Ish-kryeministri maqedonas, Nikolla Gruevski ka kërkuar fillimisht azil në ambasadën hungareze në Tiranë dhe më pas ka mbërritur në Hungari.
Radio “Evropa e Lirë” raporton se lajmi është konfirmuar nga Ministria e Jashtme e Hungarisë. “Kërkesa për azil politik nga Gruevski nuk është çështje politike por ligjore dhe se Hungaria po punon në zhvillimin e marrëdhënieve të mira bilaterale me Maqedoninë dhe se vazhdon të mbështesë Maqedoninë në rrugën e saj drejt BE-së”, citon “Evropa e Lirë” Ministrinë e Jashtme të Hungarisë.
Ministria shprehet gjithashtu se se nuk ka informata se në çfarë mënyre Gruevski ka dalë nga Maqedonia, por shton se ish-kryeministri maqedonas ka ardhur në Hungari në përputhje me rregulloret kombëtare dhe ndërkombëtare.
Nikolla Gruevski kaloi kufirin maqedonas me një pasaportë të rremë gjatë natës dhe ka hyrë e ka dalë në mënyrë të paligjshme nga Shqipëria më datë 11 nëntor, për t’u pranuar më pas në ambasadën e Hungarisë. Asokohe Gruevski nuk ishte i shpallur në kërkim. Urdhri ndaj tij do të jepej vetëm dy ditë më pas, më datë 13 nëntor.
Gruevski ka kërkuar nga Hungaria azil politik dhe lajmi është bërë i ditur nga vet ai përmes një postimi në llogarinë e tij personale në rrjetin social "Facebook". Më pas, kabineti i kryeministrit hungarez Viktor Orban njoftoi se kërkesa e tij ishte pranuar për t'u konsideruar, për shkak të viteve të tij si kryeministër dhe në sajë të rrethanave të sigurisë.
Ish-kryeministri maqedonas akuzohet në vendin e tij për shpërdorim detyre, konkretisht për blerje votash dhe për blerjen e një makine tip "Armored Mercedes" me vlerë 600 mijë euro.
Komente
Lajme të tjera
-
Ish-kryeprokurori nuk ka marrë azil? SPAK thotë se Llalla është ende në proces ekstradimi në Itali
6 Mars 2023, 20:21 -
'Bie në rrjetë peshku i madh'... pas 2 muajsh në kërkim arrestohet në Romë Adriatik Llalla, kërkon azil politik në Itali! Burime:Komunikoi vetë me policinë italiane
13 Dhjetor 2021, 12:34
-
Biznesmeni gylenist turk kërkohet për ekstradim nga Turkmenistani, dosja në Shkodër! Muhamet Çap kërkon azil: Përndiqem politikisht
24 Maj 2021, 11:57 -
Ylli Pata: Përplasja me SHBA, Ilir Meta e tejkaloi edhe Nikolla Gruevskin
24 Prill 2021, 11:42
-
Fakte dhe dëshmi/ 7 shokët e Ilir Metës në burg dhe në kërkim për korrupsion dhe trafiqe! Sa i besueshëm është Presidenti me ‘petkun’ anti-krim?!
27 Shkurt 2021, 09:34
-
Maqedonia e Veriut/ Ish Ministrja e Brendshme do të vuaj dënimin me 4 vite burg për rastin ‘Tanku’
29 Shtator 2020, 13:19
Rasti i Gruevskit eshte shkelje e diplomacise Nderkomtare. Nese nuk ishte shpallur ne kerkim nga Maqedonia nuk i nevojitej siguri nga Hungaria pasi nuk ekzistonte asnje rrezik per te,perse perdori pasaporte tjeter ne Ambasaden e Hungarise. Genjeshtrat Diplomatike me qellim kunderzbullimi jane te njohura me aktivitete kunderligjore te stimuluara me miliona Euro,kjo eshte e tera.
Përgjigju