Këshilli Bashkiak i Lezhës ka miratuar pagesën e qirasë për familjet e dëmtuara nga tërmeti tragjik. Vendimi u mor në mbledhjen e këshillit bashkiak, ashtu sikur ndodhi edhe me Durrësin dhe Tiranën. Familjet e prekura që do të zhvendosen do përfitojnë pagesën e plotë të qirasë për një periudhë 1-vjeçare.
Qiraja për strukturën e apartamentit 1+1 është 10.000 lekë, 2+1 është 14.000 lekë dhe për 3+1 është 18.000 lekë. Familjet që aplikojnë për përfitimin e pagesës duhet të depozitojnë pranë Bashkisë së Lezhës, formularin e aplikimit, aktin e konstatimit të gjendjes fizike të objektit, certifikatë familjare dhe nr. e llogarisë bankare.
Vendimi i Keshillit Bashkiak Lezhe
Kreu i Partisë Demokratike, Lulzim Basha nga Fushë- Mamurrasi në Kurbin ka hedhur akuza për qeverinë, sipas së cilëve shumë familjarë janë lënë në mëshirë të fatit. Pas takimit me banorët, Basha thekson se Kurbini në gjendje emergjence dhe shumë prej familjeve të prekura nga tërmeti janë lënë në mëshirë të fatit.
"Kurbini është në gjendje emergjence por shumë prej familjeve të prekura nga tërmeti janë lënë në mëshirë të fatit. Shtëpitë e tyre janë të shkatërruara ose me dëmtime serioze, por deri më sot askush nuk ka shkuar ti shohë në çfarë gjendje janë, të vlerësojë dëmet që kanë, të përcaktojnë nëse janë apo jo të banueshme. Ngricat, shirat, lagështira me të cilën bashkëjetojnë banorët mund të shkaktojë probleme serioze në shëndetin e fëmijëve dhe të
banorëve të tjerë që kalojnë netët në tenda plastmasi. Duhet të nisë sa më parë riparimi apo rindërtimi i banesave, dhe për këtë duhet përfunduar vlerësimi i shpejtë dhe i drejtë i dëmeve te shkaktuara. Duhen gjetur mundësi strehimi për të gjithë banorët e pastrehë, pa diskriminim. Ndonëse ndër zonat më të varfera në Shqipëri, askush nga institucionet shtetërore nuk u ka çuar asnjë ndihmë për të perballuar këtë fatkeqësi. Kjo është skandaloze, kur po hyjmë në javën e tretë nga tërmeti. 150 milion dollarë të taksave të qytetarëve shkojnë për dhjetë oligarkë e mijëra qytetareve nuk u është dërguar as një bukë e vetme nga shteti. Boll me shfaqje që nuk e fshehin mjerimin e banorëve dhe dështimin e shtetit për tu ardhur në ndihmë! Duhet ndërhyrje e menjëhershme për çdo banor dhe familje që po kalon momente të vështira." shkruan Basha.
Presidenti Ilir Meta ka qenë ditën e sotme në Armathë ku ka vizituar banorët e prekur nga tërmeti. Përmes një statusi në rrjetet sociale, Meta shkruan se vazhdimi me përgjegjësi të plotë i evidentimit të sigurisë së banesave dhe ndihma për emergjencën aktuale është detyrë prioritare.
"Sot në Armathë vizitova disa shtëpi të goditura rëndë nga tërmeti dhe biseduam me banorët për përballimin e pasojave të rënda. Vazhdimi me përgjegjësi të plotë i evidentimit të sigurisë së banesave dhe ndihma për emergjencën aktuale, detyrë prioritare", shkruan Meta.
Amelia dhe familja e saj kanë sot një strehë ku të qëndrojnë pasi tërmeti i 26 nëntorit i shembi shtëpinë. Ajo është strehuar në çadrat e ngritura në Manëz.
Lajmin e ka bërë të ditur ministrja e Shëndetësisë dhe Mbrojtjes Sociale, Ogerta Manastirliu, e cila thekson se familjet e ndodhura na kampin e emergjencës në Manëz po sistemohen në njësitë e reja.
“Amelia nga sot ka një strehë më të përshtatshme, një njësi strehimi të lëvizshme, ku është sistemuar e gjithë familja Jonuzi në Manëz. Si familja e Amelias, një e nga një familjet e vendosura në kampin e emergjencës në Manëz po vendosen në njësitë e reja, që sigurojnë kushtet e nevojshme edhe për më të vegjlit. Ndërsa shërbimi mjekësor vijon të ofrohet pa ndërprerje për çdo banor të prekur nga tërmeti!”, shkruan Manstriliu.
I njohur për batutat e tij në çdo vizitë në terren, nuk kanë munguar as ato mes Ramës e Veliajt gjatë menaxhimit të krizës në Tiranë. Ditën e djeshme Kryeministri Edi Rama dhe kryebashkiaku Erion Veliaj vizituan familjen Sina në Sauk e cila ka përfituar bonusin e qirasë nga Bashkia e Tiranës, si familje e prekur nga tërmeti i 26 nëntorit.
Gjatë kësaj vizite, Kryeministri la edhe një porosi, rrethimin me kangjella të shkallëve dhe parvazit të shtëpisë, për të qenë e sigurt për më të vegjlit, të cilët sapo kishin hyrë në shtëpinë e re. Kujdesi për çdo detaj, nga qiratë 100% gjer tek banesat sociale, shpesh dhe me humor, ka dëshmuar një menaxhim si kurrë më parë të situatës pas fatkeqësisë.
Menjëherë, punonjësit e ndërmarrjeve bashkiake morën masat dhe kangjellat u vendosën dhe u lyen. Lajmin e ka bërë të ditur vet kryeministri Edi Rama, i cili sërish me humor, nëpërmjet një postimi në rrjetet sociale publikoi dhe foton përkatëse, ndërsa shkruante: “U tha u vu, u tha u ly. Bravo Lal!”
Postimi i kryeministrit Edi Rama
Tirana i është kthyer normalitetit pas tërmetit te 26 Nëntorit. Menjëherë pas miratimit të bonusit të qirasë nga Këshillit bashkiak për mbi 900 familje, është liruar edhe palestra e shkollës “Ismail Qemali” e cila funksionoi përkohësisht si qendër emergjente për strehimin e të prekurve nga tërmeti.
Familjet e strehuara këtu, mes të cilëve edhe ato të godinave të “Qytetit Studenti” që janë klasifikuar si të pabanueshme, kanë filluar që të sistemohen në banesa me qira, pagesë e cila mbulohen në masën 100 % nga Bashkia e Tiranës. Me rifillimin e vitit të ri arsimor, tashmë edhe shkolla “Ismail Qemali” është në funksion të plotë duke përfshirë edhe palestrën sportive që u përdor për sistemimin e përkohshëm të të prekurve nga tërmeti.
Lajme të tjera
-
Pezullohet rindërtimi i shtëpive individuale në Lezhë! Tërhiqet kompania, shkak rritja e kostos së ndërtimit
14 Janar 2023, 18:12
-
Rusia ndalon diskutimet publike për strategjinë e ushtrisë, moralin e trupave dhe mobilizimin
1 Dhjetor 2022, 16:28 -
Ukraina: Rusia po përgatitet për valën e dytë të mobilizimit
30 Nëntor 2022, 19:49 -
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Putin urdhëron një pagesë prej 3,200 dollarë për ushtarët e mobilizuar dhe me kontratë
3 Nëntor 2022, 21:21 -
Kremlini thotë se nuk do të nxjerrë një dekret që i jep fund mobilizimit rus
1 Nëntor 2022, 15:29 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
-
Rama në Manzë, hapen dyert e 230 apartamenteve të reja për banorët që humbën shtëpinë në tërmetin e 26 nëntorit! Kryeministri: Njëlloj i qëndrojmë pranë shqiptarëve edhe në krizën e çmimeve
28 Mars 2022, 12:01 -
U dëmtua banesa nga tërmeti, për të tretin vit radhazi mungon festa e Vitit të Ri për familjen Veseli në Fushë-Milot: Edhe këtë vit e kaluam në çadër, vajza është sëmurë se fle në të ftohtë
2 Janar 2022, 14:24
