TIRANË- Prej gati një ore shefja e OSBE-së, shefja e OSBE/ODHIR, Audrey Glover zhvilloi një takim me kryesocialistin Rama, në selinë rozë.

Takimi i Glover me Ramën u fokusua tek konstatimet e ODHIR gjatë monitorimit të zgjedhjeve të 14 majit. Gazetari i Report Tv, Ermal Qori bën me dije se në takim është folur për procesin zgjedhor, monitorimin e OSBE për zgjedhjet e 14 majit si dhe konstatimet. Pritet raporti i plotë për zgjedhjet e 14 majit nga OSBE dhe vëzhguesit ndërkombëtarë. 

Kujtojmë se pas zgjedhjeve vendore të 14 majit, vëzhguesit ndërkombëtarë nga OSBE ODHIR, Parlamenti Evropian dhe Kongresi i Autoriteteve Vendore dhe Rajonale në Këshillin e Evropës, përcollën të gjithë analizën lidhur me klimën politike të këtyre zgjedhjeve në nivel vendor.

Përfaqësuesit e organizmave ndërkombëtare i cilësuan zgjedhjet e lira dhe të ndershme por me disa rezerva duke përmendur këtu incidente mes forcave politike, intimidimit të zgjedhësve në qendrat e votimit me praninë e tyre etj.

Përfaqësuesja e OSBE-OHIDR, Audrey Glover i ka vlerësuar zgjedhjet vendore përgjithësisht të mirë organizuara, si dhe e konsideroi punën e KQZ si të përpiktë dhe korrekte.

Në zgjedhjet lokale që u mbajtën më 14 maj, PS mori shumicën dërrmuese të bashkive në vend, konkretisht 53, koalicioni “Bashkë Fitojmë” 7 dhe Mega 1 bashki.