Mos harroni çadrat dhe vishuni mirë! Parashikimi i motit për këtë javë

Tirane- Dielli i sotëm në Tiranë, nesë do i lërë vendin shiut.

Kjo javë do të jetë e karakterizuar me reshje shiu parashikon ekspertja e Institutit të Gjeoshkencave (IGJEO) Anira Gjoni për emisionin "Sot Live në Shqipëri" në Report Tv.

E ndërsa e marta do të ketë reshje shiu të dobëta, të mërkurën nuk do të ketë reshje por të enjten parashikohet një rikthim të reshjeve me intensitet mesatar që do të përfshijnë gjithë vendin.

Ndërsa në zonën e veriut dhe qendër reshjet në periudha afatshkurtra me intensitet deri të lartë në formën e rrebesheve dhe stuhive. Në relievet malore reshje dëbore.
Nga kushte të paqëndrueshme atmosferike do të përfshihet edhe dita e Premte.

Moti parashikohet me vranësira mesatare deri të dendura e reshje shiu me intensitet të ulët në një pjesë të madhe të territorit. Në zonën e jugut dhe pjesërisht qendër reshjet me intensitet deri mesatar në formën e shtrëngatave. Në relievet malore në lindje përsëri reshje dëbore me intensitet të ulët dhe mesatar.

Për shkak të depërtimit të masave ajrore më të ngrohta jugore pritet një rritje e temperaturave në mesjavë si dhe përsëri rënie e tyre duke filluar nga dita e Premte dhe kryesisht fundjavën e ardhshme.

S.G/Shqiptarja.com

TAG:
• Tirane