Moska arreston një ‘agjent’ rus në Krime

Anëtarët e Shërbimit Federal të Sigurisë të Federatës Ruse (FSB) kanë arrestuar një “agjent rus që hodhi në erë një tubacion gazi me udhëzime nga shërbimet speciale të Ukrainës" në Krime, raporton FSB. 

“Shërbimi Federal i Sigurisë i Federatës Ruse ka ndaluar veprimtarinë kriminale të një shtetasi rus, të lindur në vitin 1980, i cili ishte përfshirë në kryerjen e një akti sabotazhi dhe terrorizmi në impiantin e infrastrukturës energjetike të Republikës së Krimesë me udhëzimet e shërbimet speciale ukrainas”, thuhet në raportin e RIA Novosti. 

LEXO EDHE:
Franca vlerëson se 150.000 ushtarë rusë janë vrarë në Ukrainë

Shtetasi rus, sipas shërbimeve sekrete të Moskës, ishte rekrutuar nga shërbimet speciale të Ukrainës, të cilët e trajnuan për akte sabotazhi dhe më pas e dërguan në Krime. 

“Me udhëzimet e ukrainasve, më 23 qershor, ai hodhi në erë një tubacion gazi në fshatin Koreiz, duke përdorur një mjet shpërthyes të improvizuar. Në garazhin e personit të përfshirë, ndër të tjera, “u gjet një eksploziv plastik i prodhimit të huaj “S-4” me peshë dy kilogramë, u sekuestruan dy detonatorë elektrikë për qëllime ushtarake. Është hapur edhe një çështje penale”, thuhet në raportin e FSB.

Lajmi kryesor:

Lufta/ 1 dron goditi një depo fishekzjarresh afër Moskës, 1 vdekur dhe 50 të plagosur! Rusët mohojnë: Shpërthimi ndodhi për shkak të një gabimi njerëzor

S.S/Shqiptarja.com

TAG:
• Rusi
• moska