Shtatë persona, mes tyre dhe një fëmijë 6-vjeçar u vranë dhe 129 të tjerë u plagosën kur një raketë ruse goditi sheshin kryesor të qytetit historik në veri të Ukrainës, Chernihivin. Njoftimi u bë të shtunën nga ministria e Brendshme e Ukrainës.
Sulmi ndodhi ndërsa banorët e qytetit ishin nisur për në kishë me rastin e një festë fetare thanë autoritetet ukrainase, duke shtuar se 12 nga të plagosurit ishin fëmijë dhe 10 prej tyre, oficerë policie.
"Një raketë ruse goditi qendrën e Chernihivin tonë, sheshin, universitetin politeknik, dhe një teatër", shkruante në rrjetin social Telegram Presidenti Volodymyr Zelenskiy, i cili ndodhet për një vizitë pune në Suedi.
“Një e shtunë e zakonshme, të cilën Rusia e ktheu në një ditë dhimbjeje dhe humbjeje”, shkruante ai më tej.
Në një video të shkurtër që shoqëronte postimin e zotit Zelenskiy shfaqeshin mbeturina të shpërndara nëpër një shesh përpara teatrit, si dhe makina të parkuara, të dëmtuara rëndë.
Chernihivi njihet si një qytet i kishave shekullore. Ai shtrihet rreth 145 km në veri të kryeqytetit të vendit, Kievit. Ministria e Brendshme tha se si pasojë e sulmit çatia e teatrit ishte shkatërruar.
Rusia ka sulmuar me raketa e dronë qytetet ukrainase që ndodhen larg vijës së frontit, si pjesë e asaj që e quan një operacion special ushtarak, që nisi në shkurt të vitit të kaluar.
Forcat ajrore ukrainase njoftuan më herët të shtunën, se kishin rrëzuar 15 nga 17 dronë iranianë Shahed, pjesë e një sulmi që Moska kishte ndërmarrë gjatë natës.
Rusia akuzon Ukrainën për sulme me dronë
Ministria e Mbrojtjes e Rusisë njoftoi për një seri sulmesh me dronë ukrainas të shtunën që kishin si objektiv sipas saj Moskën, Novgorodit një qytet në veriperëndim të kryeqytetit rus si dhe Belgorodit, që ndodhet në kufi me Ukrainën.
Zyrtarët rusë thanë se nga sulmet nuk rezultoi asnjë i lënduar, por shtuan se droni që kishte si objektiv rajonin e Novgorodit, kishte dëmtuar një avion luftarak dhe kishte shkaktuar zjarr në një aeroport ushtarak. Rajoni i Novgorodit shtrihet qindra km larg nga kufiri i Rusisë me Ukrainën. Ministria ruse e cilësoi sulmin si terrorist.
Më vonë forcat e mbrojtjes ajrore ruse njoftuan se kishin bllokuar një dron që po fluturonte në drejtim të Moskës, duke e detyruar atë të rrëzohej pranë Putilkovos/VOA
Lajme të tjera
-
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
Pentagoni: Një 'numër i vogël' ushtarësh koreanoveriorë ndodhen në Kursk
30 Tetor, 09:09 -
Lufta në Ukrainë/ Ushtria ruse fillon stërvitjet në sektorin e armëve bërthamore! Media : Ushtarë të Koresë së Veriut kanë zbarkuar në Ukrainë
29 Tetor, 17:26 -
Marrëdhëniet me Rusinë e Kinën, ndër pikat kryesore të Raportit të Progresit për Serbinë
28 Tetor, 18:26 -
Shefi i NATO-s konfirmon prezencën e trupave koreano-veriore në Rusi: Përshkallëzim i madh për luftën në Ukrainë
28 Tetor, 14:04 -
‘Shpresoj që Perëndimi të ketë dëgjuar paralajmërimin”/ Putin: Nëse Kievi përdor raketa me rreze të gjatë, ne do të përgjigjemi
27 Tetor, 13:31 -
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
Pesë të vrarë nga sulmet ruse në Ukrainë
26 Tetor, 11:31 -
Ukraina/ Zelensky anulon vizitën e Guterres në Kiev pas takimit me Putin! SHBA për koreano-veriorët në Rusi: Tregon dëshpërimin e Putin
25 Tetor, 16:51 -
Samiti i BRICS në Rusi/ Putin kërkon të nxjerrë 'jashtë loje' dollarin amerikan, bën thirrje për një sistem alternativ pagesash ndërkombëtare
23 Tetor, 20:52 -
Diplomatja amerikane i ofron përkrahje Kievit për ta luftuar korrupsionin
19 Tetor, 21:50 -
Ministrat e mbrojtjes të G7 mbështesin përpjekjet e Ukrainës për anëtarësim në NATO
19 Tetor, 21:18
