POP 5

Lajmet më të lexuara të 5 minutave të fundit

Sport

'Mungesa e tifozëve hungarezë është plus për ne', Lenjani: Jam këtu që nga 2013, kjo kombëtarja më cilësore

Mungesa e tifozëve do jetë një plus sipas futbollistëve të kombëtares kur të shtunën të përballemi me Hungarinë. Sipas Lenjanit kuqezinjtë do ia dalin për 3 pikët pasi kanë skuadrën më kualitative, ndërsa Bajrami kapet fort pas atmosferës pozitive të krijuar së fundmi në kombëtare.

Kombëtarja ka zhvilluar sot ditën e dytë të përgatitjeve për ndeshjen me Hungarinë, që është një nga dy sfidat vendimtare të tetorit për ëndrrën e Botërorit. Për trajnerin Reja nuk ka patur asnjë shqetësim, pasi grupi është i plotë, ndërsa futbollistët besojnë se mungesa e tifozëve hungarez për shkak të dënimit nga UEFA do jetë një avantazh të shtunën.

“E dimë që Hungaria gjithmonë i ka tifozët e flaktë dhe stadiumi mbushet, mendoj se është shumë mirë për ne, por duhet të fokusohemi te loja te kualitetet tona.”

Emir Lenjani është një nga futbollistët më të vjetër në kombëtare pasi është bashkuar me kuqezinjtë për herë të parë në 2013, por sipas tij ky grup ka diçka të veçantë.

"Unë mendoj që tani i kemi shumë lojtarë me kualitet, që luajnë nëpër Europë në klube të mira, në Top liga, në Itali ka lojtarë të fortë që luajnë dhe në Champions dhe në këtë kohë jemi shumë më të fortë.”

Edhe fantazizti i Kombëtares Nedim Bajrami beson se Shqipëria mund t’ia dalë kundër Hungarisë me datë 9 tetor dhe kundër Polonisë me 12 tetor.

"E dimë që do të jetë ndeshje e vështirë, do të hyjmë në fushë me besim sepse i kemi fituar dy sfidat e fundit. Kam bërë dy gola në Serinë A ndihem në formë dhe jemi të vetëdijshëm se çfarë duhet të bëjmë.”

Hungari-Shqipëri është ndeshja e 7 në grupin kualifikues, ndërsa përballja e parë e luajtur në Elbasan u mbyll me fitoren minimale 1-0 të kuqezinjve.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56