POP 5

Lajmet më të lexuara të 5 minutave të fundit

Politikë

Murrizi në Report Tv: Rama kaloi kodin e ri zgjedhor me votat e  LSI-së, nëse s'marr mandat iki nga politika

Kreu i grupit demokrat në parlament, Myslim Murrizi në një intervistë për Report Tv tha se ndryshimet në kodin zgjedhor Rama i kaloi me votat e LSI-së, dhe se përplasjet Rama -Meta në fakt janë thjeshtë aktrim që shqiptarët duhet ta ndëshkojnë në zgjedhjet e 25 prillit.

Kreu i grupit demokrat në parlament, Myslim Murrizi në një intervistë për Report Tv tha se ndryshimet në kodin zgjedhor Rama i kaloi me votat e LSI-së, duke iu referuar atyre që erdhën nga lista e LSI-së në Kuvend pas djegies së mandatëve dhe se përplasjet Rama -Meta në fakt janë thjeshtë aktrim që shqiptarët duhet ta ndëshkojnë në zgjedhjet e 25 prillit.

"Unë votova kundër kodit zgjedhor, pjesa që është vënë re nga media që voton non stop ligjet  e qeverisë është pjesë e ardhur nga LSI, ajo nuk ka asnjë vend bosh në kuvend.  Të 17 mandatet që la, i morën  ata që ishin në listat e tyre  dhe në shumicën dërrmuese kanë votuar ligjet e Ramës dhe kjo nuk është rastësi, ata kanë lidhje të fshehtë me LSI pasi janë fëmijët të lindur nga e njëjta zigotë, nga e njëjta mitër, nuk janë binjakë por kanë lindur nga e njëjta nënë. Debatet Rama-Meta nuk është betejë fare, teatër do u shkonte më përshtat. Faktet janë kokëforte dhe kanë treguar se është një aktrim palaçosh, shqiptarët do të dalin të fituar në 25 prill nëse ndëshkojnë këto aktorë që kanë 30 vite që tallen me popullin", tha Murrizi.

Murrizi bëri dhe një deklaratë të fortë kur tha se nëse nuk fiton mandat do të largohet nga politika, ndërsa deri tani ka vendosur vetëm dy qarqet ku do kandidojë atë të Fierit dhe Tiranës, ndërsa nuk ka vendosur ende për të dy qarqet e tjera, pasi sipas kodit të ri, një kryetari partie i lejohet të garojë në 4 qarqe.

"Unë nuk përjashtoj asnjë qark për mandat, deri tani kam vendosur për qarkun e Fierit dhe Tiranës, ndërsa dy të tjetër nuk i kam vendosur ende. Largohem nga politika nëse nuk fitoj në mandat në 2021", tha Murrizi.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Noli: 12/10/2020 20:58

    Problem i madh more apo nuk more mandat ti. Qeverisja behet me shumice mandatesh.

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03