Muzhaqi motivon studentët: Mos lejoni asgjë t'iu pengojë në realizimin e ëndrrës tuaj! Së shpejti certifikata dhe medalje për të rinjtë ekselentë në kodim e sport

 

Ministrja për Rininë dhe Fëmijë, Bora Muzhaqi, në ceremoninë e dhënies së medaljeve të arta për nxënësit ekselentë ka bërë me dije se së shpejti do të jepen certifikata dhe medalje edhe për të rinjtë ekselentë në fusha të tjera, siç janë kodimi, sporti.

Muzhaqi pati edhe një mesazh për të gjithë të rinjtë, e cila i motivoi ata që të mos dorëzohen në rrugëtimin e vështirë që kanë përpara, por të luftojnë fort për të arritur ëndrrat e tyre dhe mos të lejojnë asgjë dhe askënd që t’i pengojë.  

“Të jesh ekselentë është shumë e vështirë, jo të jesh ekselent vetëm me nota, por një pjesë shumë e madhe prej jush jeni ekselentë në shumë fusha, sporte, art, në të qenurit qytetarë dhembi të gjitha kjo mbetet detyra juaj kryesore. Nëse do ju jepja vetëm një këshillë Fakti që sot keni mbaruar gjimnazin dhe jeni duke ndjekur ëndrrën duhet ta mbani patjetër atë xixëllimën ndezur dhe shpresën gjallë. Çdo rrugëtimin ka vështirësitë e veta, ndonjëherë edhe do pengoheni do rrëzoheni, por e rëndësishme për ju është që të jeni gjatë gjithë kohës të motivuar për të mos lejuar asgjë që t’u pengojë sfidën dhe rrugëtimin drejt ëndrrës tuaj. Nëse arrini të bëni këtë, gjithmonë do mund të jeni më të dalluarit më të talentuarit. E kemi parë që të rinjtë shqiptarë edhe ata që janë në Shqipëri edhe ata jashtë, rastis që janë të parët, nuk është koincidencë është punë, përgatitje. Është nga të paktat raste kur emocionet më kaplojnë kur flas, është kënaqësi të kemi një sallë të mbushur tej për tej me maturantë ekselentë. Ku japim këto certifikata dhe medalje është nga ditët më të bukura, por jam e lumtur që tani e tutje s’do japim certifikata vetëm për maturantët e dalluar, por sëshpejti do kemi certifikata dhe medalje për të rinjtë sportisë të dalluar, ata që marrin pjesë në ekipe sportive, të rinjtë kodues”, tha Muzhaqi.

Lajmi kryesor:

Rama: S’ka më financim për studime jashtë vendit, studentët ekselentë ‘pagë minimale’! Për 3 vite nuk e do marrin diplomën, do punojnë në Shqipëri

SI.E./r.k./Shqiptarja.com

TAG:
• Bora Muzhaqi
• Evis Kushi
• ministria e arsimit
• edi rama