Nga sot, ish-ministri i Drejtësisë Nasip Naco është përfolur prej kohësh dhe për të marrë postin e numrit një të akuzës. Vetë Naço nuk e ka konfirmuar asnjëherë këtë ambicie, por karriera e tij e shkuar si prokuror dhe një njohës i mirë i këtij institucioni kanë bërë që të përflitet si një zëvëndësues të Llallës në rast të një ndërprerje të mandatit të kryeprokurorit aktual.

Llalla ka ende dhe dy vite deri në përfundim të mandatit po nëse kalon reforma në drejtësi atëherë ky mandat pritet të ndërpritet siç do veprohet dhe me Këshillin e Lartë të Drejtësisë.

Por a mund të jetë Naço një zëvëndësues i Llallës?

Një propozim i ish-ministrit për kryeprokuror duhet të kalojë nëpërmjet parlamentit e më pas dekretimit të presidentit. Deri këtu Naço mund t’ia dalë me mbështetjen e
mazhorancës, por ekspertët kanë propozuar që kryeprokurori i ardhshëm të jetë jashtë rradhëve të politikës ç'ka mund të penalizojë ish-ministrin.

Redaksia Online
(u.s/shqiptarja.com)