NBA/ Lakers bien sërish, Cleveland të pamposhtur këtë sezon! Golden State fiton me kampionët e Celtics

SHBA - Elita e basketbollit amerikan, NBA zhvilloi 12 ndeshjet e radhës fill pas zgjedhjeve presidenciale në SHBA.

Buzëqesh Golden State Warriors, të cilët mposhtin kampionët në fuqi të Boston Celtics 118-112 dhe arrijnë një sukses të madh. Tani Curry dhe shokët e tij drejtojnë Perëndimin së bashku me Suns (fitore ndaj Miamit) dhe me Oklahoma, e cila mposhtet nga Denver Nuggets.

Vetëm një ekip komandon në Konferencën Lindore, pasi Cleveland Cavaliers bëjnë nëntë nga nëntë. Lakers bien, krizë për Filadelfian.

Cleveland mbetet skuadra e vetme pa asnjë humbje këtë sezon në NBA, duke kryesuar renditjen në Konferencën e Lindjes. Cavaliers fituan sot 131-122 në fushën e New Orleans, sfidë ku u dallua Donovan Mitchell, autor i 29 pikëve.

Fitore të rëndësishme jashtë fushe korri ekipi i Golden State, që falë 27 pikëve të Stephen Curry fitoi 118-112 në fushën e Boston dhe ngjit shkallët në Perëndim. Vendimtar edhe stoli për miqtë, nga ku erdhën 49 pikë.

Zhgënjen ekipi i Lakers, që u mund 131-114 në fushën e Memphis. LeBron James realizoi 39 pikë, por që s’mjaftuan për të fituar. Në kahun tjetër, tri lojtarë të Memphis realizuan nga 20 pikë, duke bërë diferencën.

Humbjen e parë sezonale pëson Oklahoma, që u mund në sekondat e fundit 124-122 nga Denver. Edhe pse të gjithë titullarët e Oklahomës realizuan mbi 10 pikë nuk evituan dot humbjen. Edhe te Denver të gjithë titullarët realizuan në shifër të dyfishtë (Westbrook 29 pikë).

Rezultatet, 6 nëntor:

INDIANA PACERS-ORLANDO MAGIC 118-111

CHARLOTTE HORNETS-DETROIT PISTONS 108-107

BOSTON CELTICS-GOLDEN STATE WARRIORS 112-118

ATLANTA HAWKS-NEW YORK KNICKS 121-116

NEW ORLEANS PELICANS-CLEVELAND CAVALIERS 122-131

MEMPHIS GRIZZLIES-LOS ANGELES LAKERS 131-114

HOUSTON ROCKETS-SAN ANTONIO SPURS 127-100

DALLAS MAVERICKS-CHICAGO BULLS 119-99

PHOENIX SUNS-MIAMI HEAT 115-112

DENVER NUGGETS-OKLAHOMA CITY THUNDER 124-122

SACRAMENTO KINGS-TORONTO RAPTORS 122-107

L.A. CLIPPERS-PHILADELPHIA 76ERS 110-98

S.Dh/Shqiptarja.com

TAG:
• NBA
• SHBA
• Cleveland Cavaliers
• boston celtics
• Los Angelos Lakers
• miami heat
• dallas mavericks