Edhe pse vendimi i Lulzim Bashës nën presionin e SHBA për të përjashtuar Sali Berishën nga grupi i PD dhe rrjedhimisht nga partia, është më shumë një akt politik se sa proces ligjor dhe procedural, Sali Berisha po e kundërshton vendimin nga pikëpamja ligjore, duke e shpallur si në kundërshtim me statutin e PD-së. Sipas Berishës nuk ka asnjë nen në statut që parashikon përjashtimin e deputetit për shkak të shpalljes non grata nga SHBA dhe se për përjashtimin e tij nga partia duhet të mblidhet Kuvendi Kombëtar i PD.
Po çfarë parashikon statuti i PD për rastet e përjashtimit nga partia? Statuti i PD nuk ka ndonjë pikë të veçantë për përjashtimin e deputetit nga grupi parlamentar, por parashikon rastet dhe rrethanat e përjashtimit të anëtarit nga partia, qofshin këta deputetë apo kryebashkiakë.
Statuti i Partisë Demokratike jep fuqi Lulzim Bashës, që në raste urgjente, të pezullojë apo përjashtojë nga partia çdo anëtar të saj, pa mbledhur strukturat e PD-së. Pas njoftimit të vendimit emergjent nga Basha, më pas masa disiplinore hidhet në votim në organet e larta të PD.
Pika 5 e nenit 27 të statutit të PD-së, parashikon:
"Në raste urgjente, dhe veçanërisht në fushata elektorale, kryetari i Partisë mund të ushtrojë pushtetin e sanksioneve statutore. Sanksioni i ndërmarrë i paraqitet për miratim kryesisë së partisë në afatin më të shkurtër të mundshëm".
Po për çfarë arsyesh mund të përjashtohet nga partia një anëtar i saj, qoftë edhe Sali Berisha? Statuti i PD, në nenin 27 pika 1, parashikon përjashtimin e anëtarit, pavarësisht pozitës së tij, kur thyen disiplinë e brendshme dhe ndërmerr veprime që dëmtojnë interesat politike të partisë. Në rastin konkret, Sali Berisha nuk ka kthyer disiplinën e brendshme në PD, por refuzimi i tij për t’u larguar nga PD-ja, pas shpalljes non grata nga SHBA, mund të çonte PD drejt ndëshkimit me sanksione ndërkombëtare.
Ndërkaq, në rastet kur kryetari i PD ushtron të drejtën e ndërhyrjes duke përjashtuar një anëtarë, ky vendim duhet të shqyrtohet më pas nga Kryesia e PD-së, e cila vendos për miratimin ose rrëzimin e vendimit. Nëse kryesia e PD miraton pezullimin ose përjashtimin e një anëtari, në rastin konkret të Berishës, ky i fundit ka të drejtë të ankohet në Komisionin e Apelimit, Integritetit dhe Etikës.
Po si reflektohet grupi parlamentar në Kuvend?
Brenda 5 ditëve nga data e zgjedhjes së Kryetarit të Kuvendit, çdo deputet deklaron me shkrim se në cilin grup parlamentar bën pjesë ose deklarimin si deputet i pavarur. Sali Berisha deklaroi sot do të jetë pjesë e grupit të PD, duke sfiduar vendimin e Bashës për largimin e Berishës nga grupi i PD.
Me këtë qëndrim, Berisha paralajmëroi se do të deklarojë me shkrim për t’u bërë pjesë e grupit parlamentar të PD-së.
Ndërkaq, rregulloja e Kuvendit nuk parashikon rastet e përjashtimit të një deputeti nga grupi parlamentar, pasi vendime të tilla janë politike dhe u takojnë subjekteve zgjedhore që përfaqësohen në Kuvend.
Ky duket se do të jetë precedenti i parë kur një deputet e largojnë nga grupi, por ai refuzon vendimin e largimit, duke deklaruar përkatësinë e grupit parlamentar nga i cili e kanë përjashtuar.
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
