Ndarja nga jeta e mësuesit, Shahini: Lajm i hidhur, edukoi breza të tërë

Ndarja nga jeta e mësuesit, Shahini: Lajm i hidhur, edukoi breza të tërë

Ministrja e Arsimit,  Besa Shahini ka shprehur ngushëllimet për ndarjen nga jeta të mësuesit në Mirditë, i cili ishte i infektuar me COVID-19.

Në statusin e saj, Shahini shpreh respektin për kontributin që mësuesi ka dhënë në ushtrimin e profesionit të tij për dekada të tëra dhe nxënësit që ka edukuar ndër vite.

"Mora lajmin e hidhur që një nga mësuesit tanë të nderuar në qytetin e Rrëshenit ka humbur sot betejën me COVID-19.  Shpreh dhimbjen dhe respektin për këtë mësues të vyer e me përvojë dhjetëra vjeçare, si për stafin e shkollave ku ai ka dhënë mësim, ashtu dhe për nxënësit që ai ka edukuar ndër vite. Ndaj këtë dhimbje me familjarët e mësuesit Kola, me nxënësit dhe kolegët e tij", shkruan Shahini.

Ministrja e mbyll postimin e saj me një apel për gjithë të rinjtë dhe qytetarët të respektojnë masat anti-covid dhe të ruajnë jetën e tyre dhe të familjarëve, pasi virusi është i pamëshirshëm.

"Dua të theksoj edhe një herë nevojën që gjithsecili prej nesh të zbatojë sa më me rigorozitet të gjitha masat e nevojshme për tu mbrojtur nga ky virus i pabesë dhe i padukshëm. Çdo jetë e juaja dhe e familjarëve tuaj është e shenjtë dhe duhet mbrojtur nga të gjithë ne si shoqëri, prandaj të respektojmë me rigorozitet të gjitha protokollet shëndetësore. Uroj shërim të shpejtë edhe për arsimtarët e tjerë që janë prekur nga ky virus", shkruan Shahini.


Lajmi kryesor:

Ishte në gjendje të rëndë te Infektivi/ Koronavirusi i merr jetën mësuesit në Mirditë


  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet