Si funksiononte skema e mashtrimit 3 milionë euro, Alma Beqiri nuk veproi e vetme

Si funksiononte skema e mashtrimit 3 milionë euro, Alma Beqiri nuk veproi e vetme

1685777875_almabeqiri.jpeg

Policia po heton për të zbuluar persona të tjerë të përfshirë në skemën e mashtrimit përmes së cilës sipas policisë Alma Beqiri, dyshohet se ka mundur të përvetësojë 3 milionë euro për një periudhë 2 vjeçare.

46 vjeçarja punonte si agjente e shërbimeve postare të postës private ADEX në Korçë dhe dërgonin porositë e tyre tek klientët.

Si funksiononte skema?

Posta kishte marrëveshje me kompani private që operonin online. Në momentin që dorëzonte materialet e dërguara, paratë e shërbimit nuk shkonin në llogari të postës por për llogari të vetë agjentes.

Sipas policisë përgjatë periudhës 2021-2023, në të cilën ushtronte funksionin e agjentes së shërbimeve postare private në Korçë dhe Pogradec, dyshohet se nëpërmjet mashtrimit, ka përvetësuar shumën 3 000 000 euro" informoi sot policia e Korçës.

Sigurimi këtyre fitimeve të mëdha janë dukur dhe në jetesën ndryshe që 46 vjeçarja kishte filluar të bënte në këto dy vite, informon gazetari i Report TV në Korçë, Armand Braho.

Policia thotë se të ardhurat investoheshin blerjen e pasurive të paluajtshme dhe të bizneseve tregtare, në emër të vet dhe të familjarëve të saj.

Operacioni policor u kodua "Postmail" dhe u finalizua pas hetimeve të thelluara 2-mujore nga Seksioni për Hetimin e Krimeve Ekonomike dhe Financiare, në drejtimin e Prokurorisë së Korçës. 

Në cilësinë e provës materiale u sekuestruan 2 automjete, në përdorim nga 46-vjeçarja.

S.G/Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nedim Bajrami objektivi i klubit surprizë të Serie A, drejtori e ndjek në stadium

Nedim Bajrami objektivi i klubit surprizë të Serie A, drejtori e ndjek në stadium