POP 5

Lajmet më të lexuara të 5 minutave të fundit

Ekonomi

Ndërhyrja e Damir Fazlliçit
pengoi tetë vjet projektin

E përditshmja kosovare “Zëri” i kushtoi më datë 16 prill 2012 kopertinën skandalit të bllokimit të linjës së interkonjeksionit 400 KV të Shqipërisë me Kosovën, financuar nga banka gjermane KFË.
Ndërhyrja e Damir Fazlliçit<br />pengoi tetë vjet projektin
TIRANE- E përditshmja kosovare “Zëri” i kushtoi më datë 16 prill 2012 kopertinën skandalit të bllokimit të linjës së interkonjeksionit 400 KV të Shqipërisë me Kosovën, financuar nga banka gjermane KFË. Shkrimi ishte botuar dy ditë më parë në gazetën Shqiptarja.com, e para që denoncoi këtë skandal.
Shkrimi i gazetës “Zëri” titullohej "Sali Berisha, me “mafinë” serbe, kundër Kosovës" dhe në të thuhej se “kryeministri i Shqipërisë, Sali Berisha, ka më shumë se një vit që ka bllokuar projektin për ndërtimin e linjës 400 kilovoltëshe të interkonjeksionit, e cila lidh Kosovën me Shqipërinë. Bllokimi i këtij projekti nga ana e kryeministrit Berisha, i ka siguruar shtetit të Serbisë monopol në importin e energjisë në Kosovë, pasi që për momentin Kosova të vetmen rrugë për import të energjisë ka fqinjin verior.

Burime të gazetës “Zëri” bëjnë të ditur se në mars të vitit 2011 është hapur tenderi për linjën e transmetimit të energjisë, Shqipëri-Kosovë, me kapacitet 400 kilovoltësh, projekt ky i cili financohet nga banka gjermane KfW, ku ndërtimi i kësaj linje midis Shqipërisë dhe Kosovës, do t’i sillte vendit pavarësinë nga linjat serbe.
Sipas këtyre burimeve, biznesmeni serb, Vuk Hamoviç, njëri nga njerëzit më të pasur në Ballkan, i cili operon në këtë biznes, në bashkëpunim me Damir Fazlliç, janë takuar në Vjenë të Austrisë me djalin e kryeministrit, Shkëlzen Berisha. “Biznesmenët serbë kanë paguar shuma të mëdha në instanca të larta shtetërore në Shqipëri, për bllokimin e ndërtimit të linjës”, tha burimi i gazetës.
Shkëlzen Berisha e hodhi në gjyq gazetën “Zëri”, duke kërkuar shpërblim prej 100 mijë eurosh për shpifje dhe dëmtim të imazhit.


 Shkrimi u publikua sot (09.01.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

18 Dhjetor, 11:31