Presidentja e Kosovës, Vjosa Osmani, ka kryer një ndërhyrje kirurgjike në një spital privat gjatë ditës së djeshme. Kjo ka sjellë reagimin e ashpër të klinikës së Kirurgjisë Abdominale të QKUK. Në reagimin e bërë, klinika e ka konsideruar si një injorim ndaj Qendrës Klinike Universitare të Kosovës (QKUK) ndërhyrjes kirurgjikale të presidentes në një institucion privat.
“Injorimi dhe nënçmimi që presidentja i ka bërë Kolegjiumit të Kirurgëve e në veçanti institucionit mbi të cilat udhëheq është e papranueshme për të gjithë”-thuhet në reagimin zyrtar të QKUK.
Në dokumentin e publikuar, shkruhet se Osmani nuk ishte konsultuar në asnjë moment me personelin udhëheqës së QKUK për ndërhyrje në institucionin privat.
Zyra e presidencës në Kosovë, nëpërmjet një reagimi zyrtar të publikuar ditën e sotme, ka sqaruar se të mërkurën, presidentja, Vjosa Osmani i ishte nënshtruar një ndërhyrje kirurgjike për heqjen e tëmthit, ndërhyrje e cila kishte përfunduar me sukses.
“Zyra e Presidentes së Republikës së Kosovës njofton opinionin publik se dje (2 nëntor), pas rekomandimit nga mjekët specialistë, presidentja e Republikës së Kosovës, Vjosa Osmani i është nënshtruar një intervenimi të lehtë kirurgjik (heqja e tëmthit), i cili është realizuar me sukses.Bazuar në vlerësimin dhe vullnetin e saj, gjatë ditës së djeshme, presidentja Osmani ka bërë bartjen e përkohshme të përgjegjësive të presidentes së Republikës te kryetari i Kuvendit të Republikës së Kosovës, z. Glauk Konjufca. Nga 3 nëntori, presidentja do të vazhdojë me ushtrimin e detyrave dhe obligimeve kushtetuese që ndërlidhen me pozitën e presidentes së Republikës, si dhe gradualisht do t’u kthehet angazhimeve publike”, thuhej në njoftimin e presidencës.
Mediat vendase në Kosovë, kanë publikuar shifra sa i takon ndërhyrjes kirurgjike të presidentes Vjosa Osmani në një klinikë private.
Sipas mediave të Kosovës, në klinikën private ku presidentja Osmani është operuar për heqjen e tëmthit, një ndërhyrje e thjeshtë fillon nga 500 euro. Ndërsa analizat e bëra para operacionit kapin shuma të tilla mes 200 deri në 300 euro.
Lajme të tjera
-
Kimete Berisha: E vetmuar, si dhelpra!
21 Nëntor, 21:31
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Osmani: Mund ta zbatojmë njëanshëm marrëveshjen e Brukselit, me garanci nga partnerët
15 Nëntor, 15:47 -
Osmani: Taktikat e Serbisë nuk e ndryshojnë realitetin e pakthyeshëm të Kosovës
15 Nëntor, 10:52 -
Osmani takon Hovenier: Aleanca e Kosovës me SHBA është ekzistenciale
14 Nëntor, 21:05 -
Osmani takohet me ish-komandantin suprem të NATO-s për Evropën: Rol të rëndësishëm për lirinë e Kosovës
14 Nëntor, 15:45 -
Osmani: Kosova shembull pozitiv për avancimin e agjendës për gratë, paqen dhe sigurinë
13 Nëntor, 20:27 -
Osmani takohet me Rutte, diskutojnë për situatën e sigurisë në Kosovë
9 Nëntor, 13:26 -
Zgjedhjet në SHBA/ Liderët e Ballkanit mesazh Trump! Banorët e Mitrovicës së Veriut e urojnë me banerin në shesh: Urime fitorja, president!
6 Nëntor, 13:41 -
Osmani: Kosova e bekuar me përkrahjen bipartizane amerikane
5 Nëntor, 16:48 -
Von der Leyen në Kosovë, Osmani i kërkon heqjen e masave ndëshkuese dhe reagim ndaj Serbisë! Presidentja e KE: Duhet ende punë
26 Tetor, 11:39
