POP 5

Lajmet më të lexuara të 5 minutave të fundit

Tirana

Ndërron jetë biznesmeni mysliman që dha gjithë pasurinë e tij për bamirësi

Ali Banat, nga Sydney, Australi, iu dha vetëm shtatë muaj jetë nga doktorët më 2015. Por, biznesmeni jetoi edhe për tre vjet të tjerë, të cilët i shpenzoi duke ndihmuar njerëz.
Ndërron jetë biznesmeni mysliman që dha gjithë pasurinë e tij për bamirësi

Ali Banat

Ali Banat, nga Sydney, Australi, iu dha vetëm shtatë muaj jetë nga doktorët më 2015. Por, biznesmeni jetoi edhe për tre vjet të tjerë, të cilët i shpenzoi duke ndihmuar njerëz.

Ai vdiq 32 vjeç, më 29 Maj, Ali më parë kishte një jetë shumë luksoze, vishej me rroba nga firmat më të shtrenjta dhe përdorte makina super të shtrenjta.

Kur ai u sëmur, ai kuptoi se të gjitha të mirat materiale që zotëronte, nuk kishin asnjë vlerë për të.

Ai vendosi të shpenzojë vitet e fundit të jetës duke shpërndarë pasurinë për myslimanët e tjerë të pa privilegjuar nga jeta.

Ali shpejt 'hoqi qafe' makinat e tij, orët dhe shpërndau rrobat e tij tek njerëzit me më pak fat.

Në videon virale “Gifted With Cancer”, (I Bekuar me Kancer) ai thotë se kanceri ishte një dhuratë për të, sepse falë tij, Allahu i dha një mundësi për të ndryshuar çdo gjë në jetën e tij.

Gjatë një interviste, ai tregon një byzylyk me vlerë 60.000 dollarë dhe një Ferrari Spider.

Ali thotë: "Kur zbulon se je i sëmurë, apo nuk ke shumë kohë për të jetuar, kjo është gjëja e fundit që dëshiron të ndjekësh."

"Dhe kështu duhet ta jetojmë jetën tonë çdo ditë."


Në tetor të 2015, ai nisi projektin e bamirësisë “Muslims Around The Ëorld” (MATË), në shqip: "Myslimanët Rreth Botës" për të ndihmuar njerëzit me më pak fat në zona të varfra të Togos, në Afrikë.

Ai udhëtoi atje për dy javë, duke takuar fëmijët e zonës dhe familjet e tyre, duke e prekur varfërinë me dorë.

Organizata e tij financoi ndërtimin e një xhamie, një qendre shëndetësore dhe një shkolle në Afrikë.

Donacionet në faqen e bamirësisë GoFundMe kanë grumbulluar gati 1 milionë paund dhe vazhdojnë të rriten për çdo sekondë që kalon.

Në një video të shkurtër, regjistruar pak para vdekjes së tij, ish milioneri i shndërruar në një bamirës, i kërkon njerëzve të vazhdojnë punën e tij.

Ai thotë: "Gjatë jetës suaj, vëllezër e motra, përpiquni të keni një qëllim, të keni një plan, të keni një projekt dhe të punoni për të.

Edhe pse nuk e keni themeluar vetë, por e gjeni të gatshëm projektin e dikujt tjetër, thjesht bëni diçka."

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BLENDI: 03/06/2018 08:40

    Kjo tregon se sa jete hipokrite bejne shume njerez,te cilet nuk mund te shkeputen nga jeta e tyre hipokrite as ne momentet e fundit:"Ai vendosi të shpenzojë vitet e fundit të jetës duke shpërndarë pasurinë për myslimanët e tjerë të pa privilegjuar nga jeta".Pra ai mendoj te ndihmoje njerezit,por nuk arrin dot te shkeputet nga falsiteti.

    Përgjigju
  • Toni: 03/06/2018 08:04

    Bamires...racist? Nuk behet bamiresi me kritere fetare! Po te ishte keshtu nene Tereza duhet te bente bamiresi vetem ne shtetet me popullesi katolike!Edhe ne vdekle ca njerezve feja ju a ngushton shpirtin...

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55