Ish-Presidenti i gjashtë i Republikës së Shqipërisë post-komuniste, Bujar Nishani, ka ndërruar jetë, pasi prej javësh ishte i shtruar në një spital në Gjermani dhe kaloi në vdekje klinike pa mundësi rikthimi. Lajmi është konfimuar edhe nga të afërm e kolegë të tij, të cilët kanë shprehur ngushëllimet për ndarjen nga jeta të politikanit shqiptar.
Familja e Nishanit është ndodhur pranë tij në çastet e fundit. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i kishte lënë në organizëm.
Fillimisht, Nishani u shtrua në Senatorium dhe pas rehabilitimit të tij fillestar, ai u rikthye në spital për shkak se simptomat post-COVID i lanë me shenja pneumonie në mushkëri.
Gjendja e tij u stabilizua për pak kohë. Por, më pas, ajo u përkeqësua. Më 23 prill, ai u nis drejt Gjermanisë për mjekim, ku edhe dha frymën e fundit.
Bujar Nishani lindi më 29 shtator 1966 dhe mandatin presidencial, ai e mori me fillim në 24 korrik 2012 dhe e përmbylli më 24 korrik 2017, ndërsa bëhet presidenti më i ri në moshë që ka ndërruar jetë në Shqipëri.
Bujar Nishani ka lindur në Durrës më 29.09.1966.
Studimet e larta i kreu në vitin 1988 në Akademinë Ushtarake Skënderbej në Tiranë. Studimet e tij pasuniversitare në Menaxhimin e Burimeve të Mbrojtjes përfunduan në 1996 në Kaliforni, Shtetet e Bashkuara. Nishani ka studiuar edhe jurisprudencë në Fakultetin e Drejtësisë të Universitetit të Tiranës, ku u diplomua në Drejtësi në vitin 2004. Në vitin 2005, ai mori titullin Master për Studime Evropiane në Shkollën e Studimeve Evropiane të Universitetit të Tiranës.
Karriera e tij profesionale filloi në vitin 1988 si pedagog në Akademinë Ushtarake Skënderbej. Më pas, në vitin 1993 shërbeu si Drejtor i Punëve të Jashtme në Ministrinë e Mbrojtjes, për të vazhduar në Departamentin e Marrëdhënieve me NATO-n në Ministrinë e Punëve të Jashtme në vitin 1994. Në vitin 1996 Nishani shërbeu në Kabinetin e Ministrit të Mbrojtjes. Në vitin 1997, ai u emërua dhe shërbeu si Kryetar i Forumit Ushtarak Euro-Atlantik për burra dhe gra.
Karriera politike e Nishani kaloi në këto faza: Ai u bë anëtar i Partisë Demokratike në vitin 1991; në vitin 2001 u zgjodh Sekretar i Degës së Partisë Demokratike Tiranë; në vitin 2003 u zgjodh nga lista e kandidatëve të Partisë Demokratike, anëtar i Këshillit Bashkiak të Tiranës; në vitin 2005 zgjidhet anëtar i Këshillit Kombëtar të Partisë Demokratike dhe më pas anëtar i Kryesisë Qendrore të kësaj partie politike.
Në korrik të vitit 2005, Nishani, kandidat për Partinë Demokratike, u zgjodh deputet në zonën zgjedhore 34 në Tiranë. Në zgjedhjet parlamentare të qershorit 2009, ai u zgjodh sërish deputet.
Nga marsi 2007 deri në shtator 2009, z. Nishani shërbeu si Ministër i Brendshëm; nga shtatori 2009 deri në prill 2011 shërbeu si Ministër i Drejtësisë dhe më pas, në prill të 2011 z. Nishani u emërua sërish në postin e Ministrit të Brendshëm, ku qëndroi deri në qershor të vitit 2012, kur u zgjodh nga Kuvendi i Shqipërisë në detyrën e Kreu i shtetit.
Më 24 korrik 2012 Bujar Nishani u betua si President i Republikës para Kuvendit të Shqipërisë.
Nishani u zgjodh president i Shqipërisë në 24 korrik të vitit 2012 dhe shërbeu në këtë pozitë përgjatë një mandati të plotë deri në vitin 2017.
Nishani ishte njohës i mirë dhe i rrjedhshëm i gjuhës angleze. Bujar Nishani është i martuar me zonjën Odeta Nishani dhe kanë dy fëmijë: Ersi dhe Fjona Nishani.
Komente
Lajme të tjera
-
Izraelitët aplikojnë për pasaportë gjermane
2 Nëntor, 22:24 -
Do të ketë zgjedhje të parakohshme në Gjermani?
2 Nëntor, 19:31 -
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Volkswagen do të mbyllë tre fabrika në Gjermani, pritet shkarkimi nga puna i mijëra punonjësve
28 Tetor, 17:57 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
‘Kurthi i vdekjes’, investigimi i BBC për trafikun e klandestinëve nga Gjermania në Angli! Lojëra si 'macja me miun' me policinë, çfarë rrëfejnë kontrabandistët
25 Tetor, 11:38 -
Gjermania përuron selinë detare të NATO-s në Detin Baltik
22 Tetor, 15:59 -
Kaos a bashkëpunim? Dilema e Ballkanit Perëndimor
20 Tetor, 17:22 -
Arrestohet i riu nga Libani në Berlin, po planifikonte sulm terrorist ndaj ambasadës së Izraelit
20 Tetor, 07:56 -
Vizita e Presidentit Biden në Gjermani, bisedime për Lindjen e Mesme dhe Ukrainën
18 Tetor, 21:48 -
Basha në Bundestag me Stefan Kaufmann: Dënimi i Salianjit rast i paprecedent, drejtësia në presion politik! Përpjeke për pazar të ri Rama-Berisha
18 Tetor, 16:14 -
Biden në Berlin/ Takim me liderët e Europës për situatën e luftës në Ukrainë
18 Tetor, 11:15
Të rrojnë e ta kujtojnë të afërmit dhe familjarët e tij. Kjo eshte ajo që u mboll në 30 vjet shkërdhatokraci, shteti u vodh u degradua, u pshur në cdo drejtim, mjekësia degradio në cdo drejtim aq sa këta politikan nuk pyetën se një ditë do shkonin vet në dyert e spitaleve shqiptare dhe jo të vdisnin në spitalet e Europës... Unë personalisht do e mbaj mend si dikë që mbante anën e një KM SB që vetëm për të bërë shtet dhe demokraci nuk mendoi kurrën e kurrës.
PërgjigjuKur demure dhe vdesin harrohen te gjitha vjedhjet dhe mashtrimet! Shikoni ata te shkretet qe u mbyten dhe ato qe zuri korenti e shume te tjere qe po vdesin ne varferi ekstreme se vetem per ata kurre nuk punuan dhe menduan keta lloj fare “politikanesh” alla hajdute
PërgjigjuZ.Nishani pati nje histori jete shume intreresante,ashtu si shume shqiptare te tjere qe jetuan ne dy epoka e regjime te ndryshme.Jeta e tij private eshte dicka qe i takon vetem familjes dhe te afermve te tij,sa per jeten e tij politike dhe zgjedhjet qe ai beri,tashme eshte dicka qe i takon gjykimit te historise,ajo dhe koha do te jene vleresuesit me te mire se si do te mbahet mend e kujtohet z.B.Nishani.
PërgjigjuQofte I xhenetit..
PërgjigjuE nderuara z. Nishani! Humbja e parakoheshme e njeriut tuaj te shtrenjte, me hidheroi dhe tronditi pa mase. Ngushellimet e mija me te sinqerta per njeriun e ndershem e fisnik qe ju dhe Shqiperia humbi, por Zoti zgjedh me te miret. Qofte i Xhehnetit dhe ju rrofshi dhe e kujtofshi!
PërgjigjuNgushellime familjes, por ju politikanet e tjere à e shihni ku e keni çuar vendin. As per ju nuk ka me spitale ne shqiperi.
PërgjigjuMe pa punu per shqipnin si duhete, nuk kishte shku neper spitalete e bote por te kishte nertu nje ne shqipnin. Nje hajn ma pak
PërgjigjuMe mire te kishte thyer qafen saliu...ne gjume ishallah...
PërgjigjuLexo mir o Like floriri, kur per te ndjerin qe mezor ju del ndonje ngushellim nga goja Shqipetareve, po kur te vdesish ti?!Vetem komente negative e tallje do kete, populli nuk haron edhe ne diten me te keqe…. Deri tani vetem Alfred Moisiu plotesoi sadopak institucionin e Presidentit, te tjeret zhulsa e kriminel te gjith qene!
PërgjigjuIshte nje ushtarak i zoti beri shum per mbrojtjen e vendit
PërgjigjuO tito...gjate ciles lufte beri shume per mbrojtjen e vendit??? Niveli i popullsise ne shqiperi te ben te jesh more mire aleat me kriminelet se sa me popullin
Vertet? Kur dhe çfare?
Ja kështu u hap rruga per te tjeret..pas këmbën e mbarë..marte mbrapa te gjithë ata që kanë bashkëpunuar...
PërgjigjuBeteja me e rendesishme e jetes se Nishanit ishte beteja kunder parkut te lojerave per femije tek liqeni artificial.Eshte per tu shenuar ne rekordet e librit Guiness qe Nishani eshte i vetmi president ne bote qe ka protestuar kunder nje parku lojerash per kalamaj.
PërgjigjuSa shpirtkazma komentojnë në këtë portal mër jahu!
PërgjigjuNgushellimet nuk behen me detyrim. Vehen vetem nese i ndjen. Komentet jane perceptimi qe njerzit kishen per J*rin.
Past kemben e mbare per Berishen
PërgjigjuNgushëllime, Ky kishte kohë që kishte mbaru, por e përdori sali shpellari edhe si sakat edhe te vdek!
PërgjigjuVepra e gjithsecilit prej neve, vlen pèr kètè botè dhe kujtimin qè lèmè pas. Pèr çfarè ta mbajmè mènd Bujar Nishanin? Pèr tè qènit kapterr i Saliut? Apo president i padenjè? Jo jo, askush nuk do vishet me tè zeza dhe do ndihet i pikèlluar pèr ndarjen nga jeta tè njè shèrbètori sharlatanèsh.
PërgjigjuA i kishte bere vaksinat perpara?
PërgjigjuPer sinqeritet , me ka trishtuar shume here me teper vdekja e dy vogelusheve ne rezervuarin e Prushit …!!
PërgjigjuGazmedia po shpreh pikellimin e madh.......po shkruan dy rreshta te ndiera nga shpirti i saj qe po lengon. E tmerrshme cfare uji e buke hani o politikqener te ndyre. Per cfare familje te madhe politike flet ti mor bure i tredhur.
PërgjigjuNgushellime familjes .. sa per kush ishte dhe si ishte...ska nevoje ta thote asnje politikan... Pasi asgje qe arriti nuk e meritonte
Përgjigju