POP 5

Lajmet më të lexuara të 5 minutave të fundit

Sociale

Kuçovë/ Ndërtimi i ujësjellësit në burimin e Sinecit, 5 banorë në grevë urie: Të ndërpriten punimet ose do vazhdojmë deri në vetëflijim

Banorët e Lumasit në Kuçovë kanë hyrë në grevë urie, ku kërkojnë anulimin e projektit të bashkisë së Kuçovës për ndërtimin e një ujësjellësi në ujëvarën e Sinecit, pasi siç shprehen ata jetojnë me atë ujë. Ata kërkojnë pezullimin e punimeve dhe të mos u preket uji i Sinecit sepse sipas tyre jetojnë me këtë ujë dhe vadisin kulturat e tyre bujqësore.

Banorët e Lumasit në Kuçovë kanë hyrë në grevë urie, ku kërkojnë anulimin e projektit të bashkisë së Kuçovës për ndërtimin e një ujësjellësi në ujëvarën e Sinecit, pasi siç shprehen ata jetojnë me atë ujë. Pas 4 muaj protestash të zhvilluara, 5 banorë janë ngujuar në një ndërtesë përballë godinës së Njësisë Administrativ Lumas,duke deklaruar se nuk do të dalin nga greva e urisë derisa të plotësohen kërkesat e tyre të ligjshme.

Banorët kërkojnë pezullimin e punimeve dhe të mos u preket uji i Sinecit sepse sipas tyre jetojnë me këtë ujë dhe vadisin kulturat e tyre bujqësore. Uji që rrjedh nga burimi natyror përdoret nga këta banorë për vaditjen e tokave. Sipas banorëve të fshatit Lumas, Bashkia e Kuçovës ka projektuar ngritjen e një ujësjellësi në Sinec, ç'ka sjell dëme në bujqësi pasi ujin e përdorin për vaditje.

Gjithashtu banorët denoncojnë dhe dhunën policore që është ushtruar ndaj tyre gjatë protestave dhe këtë këktojnë që të shkarkohet Drejtori i Përgjithshëm i Policisë së Shtetit, Ardi Veliu.

Duke mos gjetur asnjë zgjidhje pas 4 muajsh protestash për mbrojtjen e burimit të Sinecit, banorët e panë si të vetmen zgjidhje grevën e urisë.

5 banorët e Lumasit janë futur në grevë urie pa afat duke parashtruar edhe 4 kërkesa

1-Shkarkimin e Drejtorit të Policisë Berat, Edmond Tarkaj, të cilëin e akuzojnë se i ka dhunuar.

2-Pezullimin e punimeve nga firma për ndërtimin e ujësjellësit me burimin e Sinecit

3-Pezullimin nga detyra dhe hetimin administrativ e penal ndaj Drejtorit të Policisë së Shtetit Ardi Veliu, që sipas banorëve të Lumasit po përdor policinë e shtetit si polici private

4-Takim me kryeministrin Edi Rama me qëllim zgjidhjen e këtij problemi.

Banorët grevistë shprehen se nëse nuk plotësohen kërkesat e tyre ata nuk do ta ndalin grevën e urisë dhe do ta vazhdojnë atë deri në vetëflijim.

 

Rendit zhvillimet sipas orarit:
Ora 18:33
Kuçovë, grevistët në Lumas: Po na hoqën ujin, vdesim për bukë! Policia na dhunoi, të shkarkohet Ardi Veliu

5 banorët e Lumasit që kanë hyrë sot në grevë urie kërkojnë ndërprerjen e punimeve të ndërtimit të ujësjellësit në burimin e Sinecit, pasi nëse kjo ndodh, sipas tyre do të 'vdesim për bukë'. Banorët shprehën shqetësimin edhe për dhunën që policia ka ushtruar gjatë protestave të tyre dhe për këtë kërkorjnë shkarkimin e Ardi Veliut.

"Na hoqën këtë burim uji ne do ngordhim nuk kemi me çfarë të jetojmë. Nuk e di si ma heq mua bukën e gojës. Protesta që bëmë prej 4 muajsh nuk u morën parasysh. Policia është e popullit dhe mbahet me taksat tona, ajo na ka dhunuar. Për këtë kërkojmë shkarkimin e Ardi Veliut", thanë banorët në grevë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13