POP 5

Lajmet më të lexuara të 5 minutave të fundit

Sport

Ndeshjet e para profesioniste nga MMA/ Doda mposhtet nga kroati në Durrës: Iu kërkoj falje shqiptarëve

Në Durrës u mbajt kampionati i arteve marcialemikse ku për herë të parë në Shqipëri pati edhe ndeshje profesioniste. Luftëtari shqiptar Marko Doda, që pati edhe sfidën më të rëndësishme u mposht nga kundërshtari kroat, por për federatën qëllimi i këtij aktiviteti ishte afrimi i të rinjve me sportin.

Ndeshjet e para profesioniste në një sport të ri në vendin tonë, Shqipëria i pati në kampionatin e Sporteve Marciale Mikse që u mbajt të premten në mbremje në qytetin e Durrësit.

Organizuar nga Federata Shqiptare e MMA, në kampionat morën pjesë katër shtete, ku përveç Shqipërisë u përfaqësuan edhe Greqia, Kroacia dhe Kosova.

Në total u zhvilluan 9 përballje, ndërsa me interes të madh u prit sfida mes shqiptarit Marco Doda dhe kroatit Leon Krajicic. Ajo ishte një nga dy ndeshjet profesioniste e vlefshme për kategorinë 84 kilogramë dhe u fitua nga kroati pas vendimit të gjyqtarit për të ndërprerë ndeshjen si pasojë e një dëmtimi të Dodës.

“Pavarësisht kësaj humbje do ia arrij aty ku dua t’ia arrij, perzotin. E kam pritur këtë ndeshje krejt ndryshe. Nuk e mendoja se do shkonte kështu, pasi ndalimi nga gjyqtari nuk duhet të bëhej. Më falni për sot,”-deklaroi Doda.

Ndërkohë presidenti i MMA Arjan Rizai foli për qëllimin e këtij aktiviteti, duke kaluar në plan të dytë rezultatet.

“Qëllimi i këtij aktiviteti është që të afrojmë të rinjtë me sportin dhe ti largojmë nga veset. Siç e shikoni është një shesh i mbushur plot me sportdashësit, ndërsa ne për herë të parë kemi sjellë ndeshje profesioniste në Shqipëri,”-u shpreh Rizai.

MMA është një sport ende i ri në Shqipëri pavarësisht se praktikohet prej vitesh, por deri më tani ka thithur vëmendjen e shumë të rinjve.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28