X

POP 5

Lajmet më të lexuara të 5 minutave të fundit

Kronikë

Ndotje në gjirin e Lalzit, devijohet shtrati i përroit! Mbetjet 'pushtojnë' rërën e bregdetit

Gjiri i Lalzit aty ku kanë shtëpitë e pushimit politikanët dhe personazhet e njohura është ndotur. Një kompani ka marrë leje për të rregulluar argjinaturën e përroit të Tarinit por ka devijuar shtratin e tij. Ministria e Bujqësisë pranon se i ka dhënë tender kompanisë Alen 3, por heq përgjegjësinë për devijimin e përroit dhe ndotjen e shkaktuar në buzë detit.

Gjiri i Lalzit, aty kanë shtëpitë e pushimit shumë politikanë dhe persona të njohur publik është ndotur në pjesën jugore të bregdetit. Kamera e Report Tv ka filmuar mjetet e një kompanie e cila po punon pikërisht në grykëderdhjen e përroit të Taninit.

Përroi i Tarinit bënte një kthesë mësipërmes rërës dhe derdhej në det, por subjekti "Alen 3" që po kryen punimet ka devijuar grykëderdhjen e përroit, duke përftuar një sipërfaqe të madhe rëre.

Subjekti që kryen punimet me ekskavator nuk ka vendosur asnjë tabelë që specifikon punimet që po kryhen buzë detit. Report Tv u interesua pranë Ministrinë e Bujqësisë dhe mësoi se kompania "Alen 3" ka marrë një tender nga drejtoria e ujitjes dhe kullimit.

"I kemi dhënë leje kompanisë 'Alen 3' për veshjen me beton të skarpateve të një segmenti të përroit pa cenuar rrjedhën e tij", tha zëdhënësi i këtij dikasteri.

Edhe pse kamera jonë ka filmuar devijimin e shtratit të përroit, zyrtari i bujqësisë e mohon një fenomen të tillë. Sa i përket mbetjeve të shumta në rërën e Gjirit të Lalzit, ministria e bujqësisë thotë se ky është tagër i Inspektoratit të Mjedisit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • asl: 21/05/2020 21:11

    A ka vene bashkia kosha te vegjel per plehra ne buze te detit?N.q.s ka vene te vere dhe kamera dhe kush nuk i hedh mbeturinat ne kosh dhe i le ne vend nje gjobe e majme derisa disa te pakulturuar te behen te ndergjegjshem per veprimet e tyre.

    Përgjigju
  • Birbo: 21/05/2020 18:56

    Llumi paska vajtur te llumi.

    Përgjigju
  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Rama: Shqipëria kryeson në rritjen e trafikut ajror të pasagjerëve

Rama: Shqipëria kryeson në rritjen e trafikut ajror të pasagjerëve

16 Prill, 15:25