Botuesit dhe librarët, që prej datës 1 janar ndodhen në një situatë kaotike. Ndryshimi që do të aplikohet për taksën ndaj librit nga 20 në 12 për qind për blerje (botues) dhe nga 0 për qind në 6 për qind për shitjet (librarët), prej 20 ditësh e bëjnë edhe më të vështirë situatën.
Për kamerën e “Report Tv” botuesit edhe librarët tregojnë se si kjo situatë jo vetëm ka pezulluar punën e tyre gjatë këtyre ditëve, por ata nuk dinë akoma se çfarë do të bëhet në vazhdim, sepse nuk ka një interpretim të Ministrisë së Financave
“Është një gjë e papritur, sepse kur bëhet një ndryshim i tillë duhet që të shpjegohet se përse është bërë ndryshe. Këtu shtypshkrimi është 20 për qind. Ishte zero edhe u bë gjashtë, edhe nuk shpjegohet. Përveçse është një kaos se është bërë pa asnjë konsultim midis grupeve të interesit. Është diçka e paarsyeshme, sidomos pas të dhënave të fundit sa i përket leximit. Duhet që të kishim politika më në favor ndaj librit, përkundrazi del diçka që e rëndon librin. Kjo e përkeqëson gjendjen. Çmimet janë të shtrenjta. Në vend që të ketë politika për bibliotekat, libraritë që mungojnë, këtu vihet një TVSH pa asnjë shpjegim. Gati asnjë muaj është në paralizë, edhe në tatime ka paqartësi, sepse çdo ligj shoqërohet me aktet përkatëse, por nuk kanë dalë ende aktet përkatëse. Të paktën që të bëhet e qartë, se cilat janë raportet midis shtypshkronjave, botuesve edhe librarëve,” - tha botuesi dhe drejtori i Institutit të Dialogut dhe Komunikimit, Piro Misha.
Librari dhe administrator i “Friend’s book house”, Ferhat Muhedini tha se: Unë si librar, por edhe në biseda që kam me kolegët jemi të painformuar për daljen e këtij ligji edhe për ngarkesat që ai shton mbi një libër, librashitës edhe së fundmi mbi lexuesit. Është luftuar shumë nga shoqata e botuesve për t’u tërhequr TVSH-ja mbi librin që të çohet më shumë pranë masave. Në kuadër të të nxiturit të leximit nuk vlejnë vetëm aktivitete me promocione librash, se ato mbeten aty, por kur të vijë koha për t’u blerë libri, çmimi i librit do të vijë duke u ngritur. Si një faktor ekonomie mund të jetë pozitiv, por trajtimi i diferencuar me 6 për qind njëlloj si edhe turizmi, mendoj se impakti nuk është njësoj si në libër edhe në turizëm. Vendosja e taksës 6 për qind do të bëjë frenimin e shitjes së librave, sepse detyrimisht çmimi do të rritet. Këtë e vëmë re tek numri i lexuesve që ka rënë, por edhe nga tirazhet që janë ulur.
Ndryshimi që është bërë pa konsultimin e grupeve të interesit, nuk mirëpritet as nga shkrimtarët edhe lexuesit.
“Unë do të thoja, kjo është goditja e fundit që mundet që ti jepet librit shqip. Kam parasysh vështirësitë në të cilat ndodhet libri edhe politika kulturore e leximit. Nëse deri më tani kemi qenë në krizë, kjo në situatën e krijuar nga i botuar në 300 kopje do të jetë në pesë kopje. Kjo është problem e një politike asgjësuese, të librit në shqip, poezi, studime edhe kreativ. Jemi në momentin që politikbërja s’ka më të bëj me ekzistencën e kulturës edhe të librit. Të fikësh librit do të thotë që të vësh në dyshim ekzistencën e vlerave shpirtërore. Është për t’u vënë alarami, jo thjesht autorët edhe institucionet e kulturës, por të gjithë shqiptarët,” -u shpreh studiuesi dhe shkrimtari Behar Gjoka.
Kjo është politika e re favorizuese, që ndërmerret për nxitjen e leximit, pas sondazhit të INSTAT, ku 1 mln shqiptarë nuk kanë lexuar asnjë libër gjatë vitit 2017.
Lajme të tjera
-
‘Botimet veneciane në Fondin e Bibliotekës Kombëtare’, bashkëpunim me Institutin Italian të Kulturës
21 Shtator, 16:34 -
Rinia ‘lexon’ telefonin! 20-vjeçari bën diferencën, me bibliotekë në dhomë: Librat kushtojnë, por me pak kursim ia dal
23 Prill, 16:24
-
U dogj e u përmbyt, BE do restaurojë Bibliotekën nën tokë! Librat në stoqe e arka bananesh, Misha: Sipër problem, hapësira e re e domosdoshme
16 Gusht 2023, 13:19
-
Ruajtja e Trashëgimisë Kulturore të Shqipërisë: Pajisje të reja të teknologjisë së lartë për Qendrën Sotir Kolea, aneksin e Bibliotekës Kombëtare
2 Qershor 2023, 16:26 -
Dashuria dikur dhe sot, si ka ndryshuar me kalimin e viteve, debati në ‘Esencë’ në Report Tv! Teknologjia dhe brezi i ri, si ndërtohen marrëdhëniet
17 Shkurt 2023, 20:43 -
Mbi 700 botime nga udhëtarët e huaj që vizituan Shqipërinë, Misha: I pari shoqëroi mbretin e Francës, në oborrin e Sulejmanit të Madhërishëm, lidhja me Shqipërinë
15 Nëntor 2022, 15:42
-
‘Tetori i Letërsisë’ mbledh intelektualë në aktivitetin dedikuar shkrimtares Majlinda Rama! Studiuesit: Emër që tejkalon lexuesin fierak
26 Tetor 2022, 17:25
-
Biblioteka, plane të reja e halle të vjetra! Projekt pa afate te Garda?! Studiuesi: Mos rrini indiferent! Misha: Hapësira sa vjen e ngushtohet
6 Tetor 2022, 17:04
-
S’ka hapësira, Biblioteka ekspozon në 'OPERA'! 11 vëllime e 844 gravura nga ekspedita e Napoleon Bonapartit në Egjipt, Misha: Botim i rrallë
20 Shtator 2022, 16:54
-
Nasho Jorgaqit i jepet lamtumira e fundit! Miq e kolegë rrëfejnë për veprën e dritëhijet: Si i përballoi sulmet në fund
26 Gusht 2022, 19:27
-
Përktheu kolosët e letërsisë shqipe, bashkëshortja e Lizarralde i dhuron Bibliotekës 155 libra, Kongoli: E donte shumë Shqipërinë! Si u përkthye ‘I humburi’
23 Qershor 2022, 17:52
-
Dita Botërore e Librit⁄ Ekspozohen ‘thesaret’ e sekuestruara gjatë regjimit komunist të Mit’hat Frashërit
23 Prill 2021, 15:41
