POP 5

Lajmet më të lexuara të 5 minutave të fundit

Kronikë

Ndryshimet në Kod, deri 20 vjet
burg për prodhuesit e eksplozivit

Personat që mbajnë, transportojnë apo trafikojnë lëndë plasëse për qëllime kriminale do të dënohen me 15-20 vite burg; ata që vjedhin energjinë elektrike 5 vite burg; drejtim i automjeteve në gjendje të dehur, nga 10 ditë deri në 3 vjet burg. Këto janë penalitetet që parashikojnë ndryshimet në Kodin Penal.
TIRANE- Personat që mbajnë, transportojnë apo trafikojnë lëndë plasëse për qëllime kriminale do të dënohen me 15-20 vite burg; personat që vjedhin energjinë elektrike do të dënohen deri në 5 vite burg; ndërsa drejtimi i automjeteve në gjendje të dehur, nën efektin e lëndëve narkotike apo pa leje drejtimi, të dënohet nga 10 ditë deri në 3 vjet heqje lirie. Këto janë penalitetet që parashikojnë ndryshimet në Kodin Penal të miratuara në mbledhjen e sotme të Këshillit të Ministrave. Në një konferencë për shtyp, ministri i Brendshëm Saimir Tahiri, prezantoi ndryshimet e miratuara, të cilat do t’i kalojnë për miratim Kuvendit, ndërsa theksoi se ato kanë për qëllim garantimin e sigurisë për qytetarët.
 
Kështu ndryshimet në Kodin Penal, parashikojnë ashpërsim të masave dhe penaliteteve për shkelësit e ligjit që kanë të bëjnë me çështjen e vjedhjes së energjisë elektrike, përdorimin e lëndëve plasëse, shitjen e kartave Sim në mënyrë të paautorizuar, dhe shkeljes së rregullave të qarkullimit rrugor.
 
“Objektivi kryesor i qeverisë është për të garantuar më shumë siguri, inovacion dhe progres. Sot qeveria me kërkesën e ministrit të Energjisë, dhe ministrit të Brendshëm ka miratuar disa ndryshime në Kodin Penal, që do i shkojnë për miratim Kuvendit, dhe lidhen me çështjen e vjedhjes së energjisë elektrike, ashpërsimin e masave që kanë të bëjnë me përdorimin e lëndëve plasëse, shitjen e kartave Sim në mënyrë të paautorizuar, dhe shkeljes së rregullave të qarkullimit rrugor. Synojmë parandalimin e këtyre fenomeneve dhe rritjen e ndëshkueshmërisë për shkelësit.
 
Për ndryshimet në Kodin Penal për vjedhjen e energjisë synon të adresohet ky problem dhe parashikohen masa për shkelësit.
 
Lidhur me lëndët plasëse, vjen si analizë e ekspertëve të ministrisë së brendshme, që ka marrë në shqyrtim përdorim e lëndëve plasëse për qëllim civil; ndryshim në nenet 278 dhe 282 të Kodit Civil 5-8 vjet burg për mbajtje të eksplozivit, dhe në rrethana cilësuese nga 15-20 vjet, pra në rastet kur lëndët eksplozive mbahen, transportohen trafikohen për qëllime kriminale.
 
Sot u miratua kërkesa për amendimin e nenit 291 të Kodit penal për sigurinë rrugore. Kjo është një nga pikat ë masave të prezantuara bashkë me ministrinë e Transportit për të garantuar sigurinë e qytetarëve. Drejtimi i automjeteve në gjendje të dehur, nën efektin e lëndëve narkotike apo pa leje drejtimi, të dënohet nga 10 ditë deri në 3 vjet”, tha ministri Tahiri.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03