Begaj dekreton ndryshimet në qeveri, pasdite mblidhet Kuvendi! Spiropali do votohet si kryeparlamentare

TIRANË- Presidenti Bajram Begaj ka dekretuar ndryshimet në qeveri, dy ditë pas propozimeve të kryeministrit Edi Rama. Pas procesit të verifikimit, Begaj ka dekretuar shkarkimin e ministrit Taulant Balla si ministër i Brendshëm, Niko Peleshit si ministër i Mbrojtjes, Ervin Metes si ministër i Financave dhe Elisa Spiropalin si ministre shteti për Marrëdhëniet me Parlamentin.

Pas procesit të verifikimit, kreu i shtetit ka dekretuar emërimin e 3 ministrave të rinj, Ervin Hoxha i Brendshëm, Pirro Vengu i Mbrojtjes, Petrit Malaj i Financave, si edhe emërimin e Ballës si ministër shteti për marrëdhëniet me Parlamentin.

Pas dekreteve, ndryshimet në qeveri do të kalojnë në Kuvend, ku kërkojnë 71 vota për të marrë detyrën. Kuvendi pritet që të mblidhet në seancë të posaçme plenare pasditen e sotme në orën 17:00. Ndërkohë, socialistët kanë mbledhur firmat për propozimin e Elisa Spiropalit si kryetare e re e Kuvendit, pas dorëheqjes së Lindita Nikollës. 

LEXO EDHE:
Himara zgjedhje më 4 gusht, Gjykata e Tiranës rrëzon kërkesën e Belerit për anulimin e dekretit të Begajt

Partia Demokratike thotë se nuk ka njoftim zyrtar për mbledhjen e Kuvendit. Në një reagim për gazetarët, zëdhënësi i grupit të PD thotë se sipas rregullores duhet të njoftohen 48 orë para.

“Në përgjigje të interesit tuaj për pjesëmarrjen apo jo të grupit parlamentar të PD në një seancë të supozuar parlamentare sot pasdite, ju bëj me dije që edhe pse jemi në mesditë ende deri në këtë moment, grupi parlamentar i PD nuk ka asnjë njoftim zyrtar për zhvillimin e ndonjë seance plenare.

Urdhri për thirrjen e seancës plenare, rendi i ditës, kërkesa për thirrjen e një seance të jashtëzakonshme, apo materialet për mbledhjen e Kuvendit, që si rregull njoftohen 48 orë përpara mbledhjes, ende nuk i janë njoftuar deputetëve të Kuvendit të Shqipërisë”, thuhet në reagimin e zëdhënësit të grupit të PD, Everest Dedaj.

Tre anëtarë të rinj do të shtohen Qeverisë Rama, ndërsa më surpriza nga të gjitha ishte largimi i Taulant Ballës nga ministër i Brendshëm pas një vit pas emërimit në një prej dikastereve më të rëndësishëm. Megjithatë Balla nuk do të largohet nga kabineti, edhe pse këtë herë do të jetë ministër pa portofol, teksa do të zëvendësojë Elisa Spiropalin si ministër Shteti për Marrëdhëniet me parlamentit.

Ministri i ri i Brendshëm do të jetë Ervin Hoxha, i cili deri më tani mban detyrën e kryeinspektorit të IMT. Në krye të Ministrisë së Mbrojtjes do të vijë Pirro Vengu, i cili deri më tani ka mbajtur detyrën e drejtorit të Autoritetit Portual Durrës. Ministri i ri i Financave do të jetë Petrit Malaj, i cili zë vendin e Ervin Metes.  

TAG:
• Bajram Begaj
• PS
• edi rama

Sondazhi i ditës:

Kabineti i ri qeveritar, jeni dakord me ndryshimet e bëra nga Rama?

• Po

  37.5%

• Jo

  52.3%

• Nuk e di

  10.2%

Vota total: 6340

Votat totale janë unike

• Sondazhi i ditës:

  Kabineti i ri qeveritar, jeni dakord me ndryshimet e bëra nga Rama?

  Po Jo Nuk e di