Konkurrimi dhe marrja e një tenderi do të bëhet më e vështirë për operatorët ekonomikë, që kanë abuzuar me një kontratë të mëparshme. Zëvendëskryeministri Erion Braçe ka prezantuar të gjitha ndryshimet që do të pësojë ligji për prokurimet publike, draft i cili është hedhur për konsultim publik. Braçe theksoi se ndryshimet e reja synojnë të rrisin transparencën dhe të bëjnë të mundur garën reale.
“Skualifikim nga procedura bëhet kur operatori ekonomik është tërhequr nga nënshkrimi i kontratës në një procedurë të zhvilluar nga vetë autoriteti kontraktor. Skualifikim të operatorit kur nuk ka respektuar një kontratë të mëparshme. Përjashtim nga pjesëmarrja në procedurat e tenderimit për një periudhë 3 muaj deri në 3 vite nëse operatori ekonomik është tërhequr mbi 5 herë nga nënshkrimi i kontratës”, pohon Braçe.
Po ashtu pritet të ndryshojnë edhe afatet kohore për pritjen e ofertave për procedurat e prokurimit ndërkombëtar duke i shkurtuar ato.
“Është shkurtimi i afateve për periudhën e pritjes së ofertave. Nëse në ligjin aktual afati për pritjen e ofertave për procedurën e prokurimit ndërkombëtar është minimalisht 45 ditë, parashikohet afati minimalisht 30 ditë. Ndërsa për procedurat vendase do të jetë 15 ditë, ndërkohë që është 23 ditë”, thekson zëvendëskryeministri.
Zëvendëskryeministri ka shtuar ndër të tjera se do të rritet transparenca edhe në rastet e ankimimit nga operatorët teknikë. Braçe ka bërë të ditur se tashmë nuk do të shpallet fituese thjesht oferta më e ulët por ajo që është më e favorshme dhe efektive.
“Nëse në ligjin aktual ankuesi paraqet ankesën fillimisht në autoritetin kontraktor brenda 7 ditëve, autoriteti ka të drejt ta analizojë brenda 7 ditëve. Më pas ankuesi nëse nuk është dakord bën ankimimin brenda 10 ditëve në APP, pra një periudhë 24 ditë. Projektligji i ri parashikon 10 ditë për t’u ankuar tek të dy autoritetet për procedurat ndërkombëtare dhe 5 ditë për procedurat e hapura. Si kriter për shpalljen e ofertës fituese me ndryshimet e reja parashikohet oferta ekonomikisht më e favorshme, e cila identifikohet në bazë të çmimit dhe kostos duke përdorur metodën e efektivitetit të kostos”, tha ndër të tjera Braçe.
Ky projektligj për të cilin sot është zhvilluar edhe konsultimi publik me ndërkombëtarët është mirëpritur edhe nga OSBE, pasi zëvendëskryetari i prezencës se OSBE në Shqipëri, Robert Wilton u shpreh se ky ligj është pikënisja e rritjes së transparencës.
“Korniza ligjore për prokurimin publik është pikënisja për rritjen e transparencës në këtë proces esencial. Është një shenjë e shëndetshme për përkushtimin e qeverisë për mirëfunksionimin e demokracisë dhe për mbajtjen e resurseve publike dhe të tatimpaguesve”, u shpreh zëvendëskryetari i OSBE në Shqipëri, Robert Wilton.
Ndërkohë zëvendëskryeministri Braçe pranoi se korrupsioni dhe abuzimi me tenderat nuk do te zhduket por do minimizohet. Përveç këtyre ndryshimeve në draftin e ri është shtuar edhe elementi i konfliktit të interesit, ku asnjë individ nuk do të lejohet të marrë pjesë në vendimmarrje nëse në garë merr pjesë një operator ekonomik i lidhur me të. Po ashtu do të rritet edhe monitorimi dhe kontrolli nga institucionet ndaj kontratave.
(Kliko këtu për të lexuar ligjin e plotë e prokurimeve)
Lajme të tjera
-
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
‘Harrohet’ sigurimi i detyrueshëm i banesës! Cila është skema e re që propozojnë socialistët? Primi i sigurimit të zbritet nga të ardhurat vjetore të qytetarëve
9 Nëntor, 20:44
-
Dezinformimi/ ‘Mos hapni çdo mesazh që vjen, edhe deputetët 'viktima'! Kreu i AKEP: U mbyllën 155 domaine ruse, 8 të grupeve të hakerimit! Qëllim, shkatërrimi i të dhënave
16 Tetor, 13:16 -
'Nuk dogjëm selinë e PS, thjesht hodhëm molotov', Braçe i përgjigjet deputetes së PD: E thotë sikur ka hedhur oriz në dasmë! Kuptoni gjë ju?
16 Tetor, 10:33 -
Miratohet projektrezoluta, KLSH do të bëjë publik planin e auditimit, kohëzgjatjen dhe audituesit! Debate mes socialistëve për transparencën e institucionit
15 Tetor, 16:15
-
Dështon sërish Hetimori i Shëndetësisë, Vokshi kërkesë Spiropalit për zëvendësimin e Ndrecës dhe ndëshkimin e 3 deputetëve: Do bëjmë dhe kallëzim penal
11 Tetor, 10:18 -
‘O dreq, boll bërtite’, sherri te Hetimori i Shëndetësisë shqetëson Braçen! Deputeti i PS futet në mbledhje: Kam zyrën ngjitur
9 Tetor, 12:10 -
Mazhoranca ‘sherr’ për transparencën e KLSH-së, Braçe: 10 muaj një kontroll! Duhet afat për auditimet! Gjini: Cënohet pavarësia
8 Tetor, 20:28
-
Braçe ironizon protestën e opozitës: Thonë sot është për jetë a vdekje! S’kemi ndërmend t’i vrasim, këta protestuesit i kanë vrarë çdo herë
7 Tetor, 17:16 -
Audioregjistrimi i urdhrit për të qëlluar drejt protestuesve më 21 janar, Braçe: Barbarë, të njëjtët që vijnë me benzinë për të vrarë
4 Tetor, 14:10
