POP 5

Lajmet më të lexuara të 5 minutave të fundit

Sociale

Ndryshon skema, KEMPI hiqet nëse qëndron më shumë se 3 muaj jashtë vendit

Ndryshon skema e KEMPIT. Vendimi përcakton se ndihma e paaftësisë ndërpritet për personat që qëndrojnë më shumë se 3 muaj jashtë shteti, pa arsye shëndetësore. Ndryshimet për kriteret e vlerësimit  përcaktojnë ngritjen e 5 komisioneve që do të shqyrtojnë dosjet në nivel kombëtar.

Hyjnë në fuqi, kriteret e reja të vlerësimit të dosjeve për përfitimin e KEMP.

Sipas vendimit të ri pagesa e KEMP do të ndërpritet për personat që qëndrojnë më shumë se 3 muaj jashtë, pa arsye shëndetësore dhe për jorezidentët. E njëta gjë vlen dhe për ata që nuk dorëzojnë dosjen në afatet e përcaktuar në Rregullore.

Ndryshimet për kriteret e vlerësimit përcaktojnë ngritjen e 5 komisioneve që do të shqyrtojnë dosjet në nivel kombëtar. Pas shqyrtimit të dosjeve nga komisionet kombëtare, do t’i kalohen për shqyrtim komisioneve eprore sipas sëmundjeve.

Këto komisione do të shqyrtojnë dosjet për sëmundje të përgjithshme, verbërinë, sëmundjet e shëndetit mendor, si dhe paraplegjinë dhe tetraplegjinë.

Përfitues të KEMP do të jenë edhe personat të  cilët  në  5  vitet  e  fundit  para  lindjes  të  së drejtës nuk kanë 12 muaj sigurim shoqëror dhe nuk kanë qenë përfitues të pagesës më parë.

Pagesa e paaftësisë në punë është  10. 653  lekë në  muaj.  Të njëjtën  masë  pagese  përfiton  edhe   ndihmësi personal i personit  me  aftësi  të kufizuar.

Personat  me  aftësi  të  kufizuar,  të  cilët ndjekin,  njëkohësisht,  arsimin  e  mesëm  të  lartë apo  arsimin  e  lartë  dhe  një  kurs  kualifikimi, përfitojnë vetëm njërën nga pagesat.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem: 03/03/2020 09:29

    Kjo eshte qeveri. Ik po ta mbajti rrini te djali a vajza jashte. Ska, aty vdisni.

    Përgjigju
    • Miti: 03/03/2020 14:50

      Ne te gjithe boten vetem pensioni i pleqerise eshte i yti. Cdo ndihme apo pension tjeter eshte me kusht, dhe nje nga kushtet eshte qe te jesh rezident i perhershem aty ku merr ndihmen. Nqs nuk je per me teper se 3 muaj ne nje vend do te thote qe je rezident diku tjeter. Eshte llogjike te te hiqet ndihma.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15