TIRANË, 15 Dhjetor /ATSH-Gjergji Mima/ - Zgjedhjet vendore të viti 2015 do të mbahen në datën 21 qershor.
Presidenti i Republikës, Bujar Nishani dekretoi sot caktimin e datës së zgjedhjeve për organet e qeverisjes vendore
Kështu Presidenti dekretoi që zgjedhjet për organet e qeverisjes vendore të zhvillohen ditën e dielë, më datë 21 qershor 2015.
Dekreti i Presidentit Nishani
DEKRET PËR CAKTIMIN E DATËS SË ZGJEDHJEVE PËR ORGANET E QEVERISJES VENDORE
Në mbështetje të nenit 92, shkronja "gj" dhe 93 të Kushtetutës së Republikës së Shqipërisë, si dhe të nenit 9, paragrafi 1 dhe 2 dhe nenit 10, paragrafi 1 dhe 2 të ligjit nr. 10019, datë 29.12.2008 "Kodi Zgjedhor i Republikës së Shqipërisë" i ndryshuar,
D e k r e t o j
Neni 1
Zgjedhjet për organet e qeverisjes vendore të zhvillohen ditën e diel, më datë 21 qershor 2015.
Neni 2
Ky dekret hyn në fuqi menjëherë.
Nr. Dekretit 8844
Tiranë, më 15.12.2014
PRESIDENTI I REPUBLIKËS
BUJAR NISHANI
/f.n/