Energjia, optimizmi dhe forca për të përballuar çdo sfidë, e kanë shoqëruar Flamur Balën që në fëmijëri. Për emisionin “Një nga ne”, 33-vjeçari me aftësi ndryshe, tregon si është një ditë e tij e zakonshme.
“Gjëja më e mirë që kam, është vullneti për tu zgjuar herët”, thotë i riu duke vënë në dukje se njësoj si të tjerët, e ka ditën të vrullshme, me angazhime që përfundojnë deri në mbrëmje.
Ulja në karrige me rrota është ndër moment më të vështira, por Flamuri e ktheu dhimbjen në forcë. Kjo periudhë shërbeu si një pikë kthese për ta vlerësuar edhe më shumë jetën dhe për ta rijetuar në një tjetër formë. Me pozitivitetin që e karakterizon, të bën të reflektosh për mënyrën sesi duhet të përballemi me problemet.
“Njeriu sa më shumë piqet me problemet, aq më shumë pajtohet me to, sepse është e detyrueshme. Dikush që dashuron jetën, do të dashurojë të gjitha problemet, në kuptimin figurativ. Natyrisht që askush nuk i do problemet, por duhet t’i shohësh si një formë dashurie për jetën, pra çdo vuajtje ty të pjek, të bën më të fortë, më të vullnetshëm dhe të përparosh për jetën”, thotë ai.
Ka pak muaj që është bërë administrator pallati, modifikon makinat për personat me aftësi ndryshe, është aktivist dhe botues i një libri.
“Një person me aftësi ndryshe nuk është person me aftësi të kufizuar, por ka aftësi që ndoshta askush nuk i di sa të mëdha janë”, na thotë Flamuri duke dhënë shembullin e tij konkret që herë pas herë mendon si të kontribuojë në shoqëri.
Me çfarë vështirësh përballet një person me aftësi ndryshe në Shqipëri? Si lindi ideja e Flamurit për të përshtatur frenat dhe gazin tek makinat e personave me aftësi ndryshe? Çfarë duhet të dini në lidhje me këto modifikime?Një histori që do t’iu bëjë ta vlerësoni më shumë çdo moment të jetës. Për më shumë ndiqni emisionin “Një nga ne”.
Lajme të tjera
-
Rrugëtimi i Muzikës Bizantine në Shqipëri, Theodhor Peci jep kontributin e vyer: Psaltët tashmë këndojnë shqip
13 Nëntor, 20:27
-
Nga kivano tek dora e Budës dhe papaja, Irakli Shkoza vazhdon të guxojë me frutat ekzotike: Fermerët duhet të rrezikojnë
6 Nëntor, 22:11
-
Një nga ne/ 36 vite si elektriçist, Dik Beshku mesazh të fortë të rinjve: Kthehuni! Zanati nuk të bën milioner, por ia del!
30 Tetor, 20:20
-
Një ditë në fshatin e shtangistëve! Leonard Toska: Numërojmë 83 medalje, kohën e lirë merrem me ullinjtë dhe bletari
24 Tetor, 08:10
-
'E rrëmbeva, u fshehëm në pyll se do na vrisnin', Xhevahir Bogdani rrëfen historinë e dashurisë: Kam 60 vite me Besijen, e dua!
16 Tetor, 20:22
-
'Bujqësia, shtëpi pa çati', njihuni me agronomin nga Nikla që ruan varietetet mbi 100-vjeçare
2 Tetor, 20:20
-
Një ditë transformimesh! Njihuni me Samiun, të riun nga Bulqiza që ushtron zanatin më të veçantë
26 Shtator, 09:36
-
Nga muralet tek tatuazhet dhe muzika, 24 vjeçari i bën të gjitha: Nuk do ndalem
18 Shtator, 20:48
-
E nisën nga zero, sot gëzojnë frytet e punës! Nardi dhe Adelina rrëfehen në ‘Një nga ne’: Si na ndryshoi jeta nga rosat
11 Shtator, 22:08
-
Stërvit çdo ditë 'hamshorët arabë', Shkëlzen Brahaj rrëfehet në ‘Një nga ne’: Kam punë fisnike, me këtë ushqej familjen
4 Shtator, 20:39
-
Call centerat drejt tkurrjes, Suela Gega: Rrogat kanë mbetur në vend, bëj string art që t’ia dal
24 Korrik, 21:20
-
Të mendosh si kampione! Historia e Eglantina Shabanajt në 'Një nga ne': Kam fituar 15 gara shahu, ky pasion do vdesë me mua
17 Korrik, 20:27
