POP 5

Lajmet më të lexuara të 5 minutave të fundit

Bota

Në pritje të vaksinës kundër COVID-it/ BE rezervon 300 mln doza për 27 vendet e unionit

300 milionë doza vaksina kundër koronavirusit janë rezervuar nga BE për 27 vendet anëtare të unionit. Lajmi është bërë i ditur nga Komisioni Europian sipas të cilit kjo vaksinë është duke u përgatitur në laboratorin francez “Sanofi”. Sanofi dhe laboratori britanik GSK kanë njoftuar se do të merrnin deri në 2,1 miliardë dollarë amerikanë për zhvillimin e vaksinës së tyre të mundshme antiCOVID-19

Komisioni Europian njoftoi se kishte rezervuar në emër të 27 shteteve anëtare 300 milionë doza vaksinash kundër COVID-19, në përgatitje nga laboratori francez Sanofi. “Ekzekutivi europian vazhdon përveç të tjerave diskutimet intensive me prodhuesit e tjerë të vaksinave”, theksoi Komisioni Europian në një komunikatë. Sipas Brukselit, kontrata e parashikuar me Sanofin do të ofronte një mundësi për të gjitha vendet anëtare për të blerë vaksinën.

Diskutimet mes Komisionit Europian dhe laboratorit kanë bërë të mundur krijimin e një kornize për blerjen e 300 milionë dozave, nëse zhvillohet një vaksinë e sigurt dhe efektive. “Megjithëse nuk e dimë sot se cila vaksinë do të jetë më e efektshme në fund, Europa po investon në një portofol të larmishëm të vaksinave premtuese, bazuar në lloje të ndryshme të teknologjive.

Kjo rrit shanset tona për të marrë një kurë të shpejtë dhe efektive kundër virusit”, theksoi presidentja e Komisionit Europian, Ursula von der Leyen. Disa orë para njoftimit europian, Sanofi dhe laboratori britanik GSK kanë njoftuar se do të merrnin deri në 2,1 miliardë dollarë amerikanë për zhvillimin e vaksinës së tyre të mundshme antiCOVID-19, pasi u zgjodhën për të shpërndarë 100 milionë doza për amerikanët.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Akuzat e SHBA, Kina kundërpërgjigjet nga Moska: S’kemi pasur gisht në krizën e Ukrainës, s’kemi furnizuar kurrë asnjë palë

Akuzat e SHBA, Kina kundërpërgjigjet nga Moska: S’kemi pasur gisht në krizën e Ukrainës, s’kemi furnizuar kurrë asnjë palë

21 Mars, 20:58