Nis në Report Tv ‘E vëmë me bast’, ja parashikimet e publikut dhe të Andrea Markos për 3 ndeshjet e sotme të Botërorit

TIRANË- Sot nisi emisioni më i ri në Report Tv dedikuar Kampionatit Botëror “E vëmë me bast” i cili ka në fokus parashikimet se si do të dalin ndeshjet e ditës. Dashamirësit e futbollit do të kenë mundësi për të parë përballjet Angli-Iran, Senegal Holandë, SHBA-Uells.

Për analistin Andrea Markon, ‘Mjeshtër u Madh i Futbollit, në përballjen mes Anglisë dhe Iranit, fitues do të jenë “3 Luanët”. I të njëjti mendim ka qenë edhe moderatori i emisionit Andi Kapxhiu, të cilit i janë bashkangjitur edhe votat e publikut. Ndërkohë, sa i takon 2 ndeshjeve të tjera, Senegal-Holandë, Andra Marko dhe Andi Kapxhiu, janë të mendimit se fitues do të dalin të besuarit e Louis van Gaal. Ndërkohë në këtë ndeshje edhe telefonuesit kanë parë si favorit Holandë, e ndërsa 1 prej tyre e ka konsideruar Senegalin një skuadër të fortë që mund t’i marrë edhe një barazim.

Sa i takon ndeshjes së fundit, SHBA-Uells, moderatori Andi Kapxhiu ka menduar se do dalë barazim, e ndërsa Andrea Marko mendon se mund të fitojë Uells i Gareth Bale. Këtu, telefonuesit kanë qenë të ndarë, 2 shohin fitues SHBA, 2 të tjerë Uells.

Ky emision do të transmetohet çdo ditë në ekranin e Report Tv nga ora 08:10-09:00, ku mund të jeni edhe ju pjesë e tij me parashikimet tuaja për ndeshjet ditës.

Parashikimet e sotme në emisionin 'E vëmë me bast'

B.K./Shqiptarja.com

TAG:
• katar 2022
• e veme me bast