POP 5

Lajmet më të lexuara të 5 minutave të fundit

Sport

Në ring Nurja, Hysa dhe Koçi! Të shtunën përballje historike për boksierët shqiptarë

Boksierët më të mirë shqiptarë do kenë të shtunën ndeshjet me kundërshtarët më të fortë në botë të cilët kanë ardhur ndonjëherë në Shqipëri.

Të shtunën në kompleksin Feti Borova do të zhvillohen ndeshjet më të forta të boksit që janë parë ndonjeherë në Shqipëri. Spikat përballja e Denis Nurjas, i cili si kundërshtar do ketë kolumbianin Placido Ramirez, i 54 në botë për peshat e mesme, me 24 fitore, 17 prej të cilave me nokaut. Nëse Nurja ia del shanset janë që të ngjitet te 20 boksierët më të mirë në botë.

Në ring do jetë gjithashtu edhe kampioni shqiptar i peshave të rënda, Nelson Hysa. Shkodrani i cili mban vendin e 69 në botë përballet me bjellorusin Viktar Chvarkou. Për Hysën kjo është ndeshja e 12 në boksin profesionist, me 11 të parat që i ka fitore.

“E njoh atë boksier, e di edhe stilin e tij, e kam  parë dhe studiuar. Shpresoj të marrë një fitore të bukur edhe pse është një kundërshtar që lufton dhe bën boks të bukur,”-u shpreh Nelson Hysa, boksier.

Edhe 38-vjeçari Nelson Hysa, pjesë e BS Boxing, ka objektiva të mëdha në boksin profesionist.

“Shpresoj që vitin tjetër të jem te 20 më të mirët e botës. Aty ku edhe më takon për të qenë,”-tha Nelson Hysa, boksier.

Në ring, për herë të parë si boksier profesionist, do të ngjitet edhe kampioni i Ballkanit Amar Koçi, vetëm 17-vjeç. Ai do debutojë kundër boshnjakut Stefan Prodan.

“Kam provuar të ndryshoj stilin luftarak. Kemi bërë stërvitje pak më pasive, jo shumë agresiv. Është boks profesionist me katër raunde dhe merret më qetë se boksi amator. Është diçka e rë për mua, e mirëpret me padurim dhe uroj të arrij sa më lart,”-deklaroi Amar Koçi, boksier.

Të shtunën në kompleksin olimpik Feti Borova do jenë 3 ndeshje për titujt WBC.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57