POP 5

Lajmet më të lexuara të 5 minutave të fundit

Kronikë

Gurët bien në rrugën me kthesa Mirditë-Fushë Arrëz, qytetarët të rrezikuar: Askush nuk i pastron, tuneli po shembet përditë

Masivë gurësh bien pareshtur në aksin rrugor Fushë Arrëz-Mirditë. Një rrugë malore kjo me kthesa të rrezikshme, siç janë ato të Shpalit. Gurët që bien në rrugë nuk pastrohen, duke u bërë burim për aksidente. E kontaktuar nga Report Tv, ARRSH-ja thotë se rruga është në garancinë e Fondit Shqiptar të Zhvillimit, ndaj nuk është bërë ende tenderi i mirëmbajtjes së saj.

Lëvizja përgjatë aksit nacional Mirditë-Fushë Arrëz është e frikshme. Në një dite tetori me shi dhe mjegull automjetet detyrohen të devijojnë nëpër kthesa. Masivë gurësh e dherash bien pareshtur nga mali. Asnjë tabelë paralajmëruese apo rrjete mbrojtëse nuk ka në këtë aks. Çfarë është më shqetësuese, gurët në rrugë nuk pastrohen duke shtuar rrezikun për aksidente.

"Unë e bëj përditë këtë rrugë, këtu punëtorë nuk gjinden. Më skandaloze për mua është tuneli, nëse ka pikë vdekje sot për sot është tuneli. Por këto vejnë dorë pasi ka viktima, duhet të vdesë dikush që të hapet rruga", tha drejtuesi i një mjeti.

"Tuneli është ma shumë problem pasi është duke u shembur përditë", tha një drejtues tjetër.

"Si nuk janë gurët janë problem, por është më problem shteti që nuk merret me këtë punë dy viktima kanë rënë më herët atje. I kemi bërë kërkesë shteti por ai nuk interesohet fare", u shpreh një drejtues makine.

Këtë problem e hasin edhe qytetartë, ku njëri prej tyre shprehet se "këtu bien gurë 200 apo 300 kg".

Rikonstruksioni i kësaj është kryer nga Fondi Shqiptar i Zhvillimit, por nuk është shoqëruar me vendosjen e elementeve mbrojtës. Fenomeni i rrëshqitjes së gurëve është më evident në vendin e njohur si kthesat e Shpalit, por edhe në tunelin e Gjegjanit.

Report TV kontaktoi në telefon drejtorin e ARRSH për rajonin e veriut, Gledis Çeliku i cili tha rruga është nën garancinë e Fondit Shqiptar të Zhvillimit deri në muajin dhjetor, mandej do të bëhet tenderi i mirëmbajtjes nga Autoriteti Rrugor.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

E 'dogji' me alkool dhe duhan, gjimnastja japoneze përjashtohet nga Lojërat Olimpike

E 'dogji' me alkool dhe duhan, gjimnastja japoneze përjashtohet nga Lojërat Olimpike

22 Korrik, 20:55