Negociatat, Kolegji i Apelimit raporton për vettingun në Shqipëri: Synojmë përmbylljen në kohë të procesit

Negociatat, Kolegji i Apelimit raporton për vettingun në Shqipëri: Synojmë përmbylljen në kohë të procesit

Foto ilustruese

Kryetarja e Kolegjit të Posaçëm të Apelimit Albana Shtylla, përfaqësues të Komisionit të Pavarur të Kualifikimit dhe institucionit të Komisionerëve Publikë morën pjesë në takimin dypalësh Shqipëri – BE të zhvilluar në Bruksel, në kuadër të nisjes së procesit të shqyrtimit (screening) mbi kapitullin 23, të negociatave të anëtarësimit.

Përfaqësuesja e Kolegjit të Apelimit paraqiti materialin raportues të përgatitur nga të treja institucionet e vettingut, duke sjellë një panoramë të qartë në shifra lidhur me vendimmarrjet e deritanishme, hallkat kryesore të procesit, transparencën, buxhetin, si dhe pritshmëritë për të përfunduar të gjitha çështjet brenda afateve të parashikuara nga ligji: Komisioni i Pavarur i Kualifikimit brenda dhjetorit të vitit 2024, ndërsa Kolegji i Posaçëm i Apelimit brenda qershorit të vitit 2026. Në këtë prezantim u theksua rëndësia e cilësisë në vendimmarrje, respektimi rigoroz i ligjit, procesit të rregullt dhe parimeve të barazisë, objektivitetit dhe proporcionalitetit. 

Negociatat mes Bashkimit Evropian me Shqipërinë për kapitullin 23 “Gjyqësori dhe të drejtat themelore’ vijojnë dhe sot në Bruksel me raportimet e institucioneve të tjera të drejtësisë. Delegacioni shqiptar është kryesuar nga kryenegociatorja Majlinda Dhuka, si dhe nga zv/Ministrja e Drejtësisë, Adea Pirdeni, në cilësinë e negociatores për kapitullin.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Primaret e Berishës nxorën kandidatët më të mirë për 14 majin?



×

Lajmi i fundit

VIDEO/ Të dashuruar me Messin, lojtarët e Australisë në radhë për foto

VIDEO/ Të dashuruar me Messin, lojtarët e Australisë në radhë për foto