Nëna e Lear Kurtit: Djali im pinte hashash por nuk besoj të ketë gëlltitur drogë! Kishte shenja në trup, ka marrë goditje të tmerrshme

Nëna e Lear Kurtit: Djali im pinte hashash por nuk besoj të ketë gëlltitur drogë! Kishte shenja në trup, ka marrë goditje të tmerrshme

Lear Kurti

Me lot në sy, nëna e Lear Kurtit Fatmira Mustafaj rrëfen se humbi ndjenjat natën kur mbërriti në spitalin e Traumës për të parë të birin. E trishtuar tregon se kur hapi sytë, mësoi lajmin e rëndë se i biri 32 vjec ishte ndarë nga jeta.

Mustafaj konfirmon se Lear Kurti ishte përdorues i lëndëve narkotike dhe mohon tezën e epilepsisë duke thënë se gëzonte shëndet të plotë. Sa i përket gëlltitjes së dozës së kokainës, nëna nuk e beson këtë pasi sipas saj të rinjë e hedhin sapo vënë re se po ndiqen nga forcat blu.

Megjithatë thotë se 32-vjeçarin e kishte frikë policinë pasi e kapnin shpesh herë, por nuk hezitont të përballej me ta. Ndonëse Agjencia e Mbikëqyrjes Policore (AMP) mohon të jetë ushtruar dhunë ndaj të riut në momentin që u shoqërua në komisariat, Fatmira Mustafaj thotë se Lear Kurtin e ka parë me shenja në trup.

“Ishte i mavijosur, një e qepur nallbançe. Kam parë një tmerr. Supozimet e mia janë këto që është i dhunuar. Seç nxjerrin këto kjo është e pabesueshme. Nuk e di, se janë të rinj, por kur e ndjejnë se ndiqen e hedhin, dhe jo të thonë se e ka gëlltitur. Pashë se kishte hematomë, ai është i grushtuar i sulmuar, edhe atë të kokës që kanë bërë ai ka marrë goditje të tmerrshme”, tha Mustafaj në një intervistë për gazetaren Klodiana Lala.

Ndërsa mikun që e shoqëronte natën që u kap nga policia, nëna thotë se e njihte por nuk kanë mundur të bisedojnë sepse ishte i shokuar.

“Kam folur dje në darkë me një shokun e tij, edhe ai ishte i shokuar. Personin që rrinte me Learin e njihja. Se ka parë ngjarjen nuk e di. Por si nënë unë di të them se ai ka ikur i dhunuar. Unë këtë di të them, kanë frikë të rinjtë, shikojnë orën dhe thonë o bo bo. kjo lagja jonë është e sulmuar. Unë nuk hedh supozime, por me shenjat që kam parë di të them se dhunuar tmerrësisht”, tha Mustafaj.

Fatmira Mustafaj ka treguar edhe bisedën e fundit me Lear Kurtin vetëm pak orë para se të mësonte se kishte ndërruar jetë.

“Më mori rreth orës 11, i thashë hajde se u bëmë për mall. Më tha do vij se do sjell diçka. I thashë a je mirë, a je në shtëpi se ti e di si është nata. Më tha mos ki merak për mua, nesër do rrij gjithë ditën me ju”, tregon Mustafaj.  

Kujtojmë se Lear Kurti ndërroi jetë në duart e policisë, por rrethanat mbeten ende të paqarta dhe pritet të zbardhen nga ekspertiza. Në ekspertizën paraprake rezultoi se i riu Lear Kurti ka ndërruar jetë si pasojë e overdozës pasi në stomak i është gjetur një përmbajtje plastike disa cm. Gjatë ndjekjes, burime bëjnë me dije se 32-vjeçari kishte me vete një dozë kokaine, të cilën mendohet ta ketë gëlltitur nga frika gjatë ndjekjes nga policia pasi nuk donte të arrestohej. Në stomakun e 32-vjeçarit ka shenja hemoragjie, çka mund të jetë shkaktuar nga gëlltitja e lëndës plastike ku dyshohet se mbahej lënda narkotike.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlora: 24/10/2022 08:52

    Me vjen shume keq per komentet. Po si mund tju mbushet mendja se populli do te shkoje te protestoje per nje njeri i cili shet droge dyerve te shkollave? Vertet mendoni se ky popull do vazhdoje te ndjeke injorantet e drogmenet qe nga lajmet duket sikur kemi pushtuar evropen me arrestime shqipetaresh kudo na e nxine faqen neper bote. Jo jo shumica nuk eshte me drogaxhinjte ta dini njehere e mire. Personalisht me vjen keq per ate cunin, per fatin e tij dhe vrasesit e tij te vertete ta dini qe jane ajo familje qe e ka edukuar dhe me pas ka pranuar leket e droges ne shtepi. KAQ KISHA. Mos prisni tu bashkohemi ne protesta ne njerezit qe punojme 5 dite ne jave dhe i perkushtohemi familjes. Nuk e mendoj kurre qe une te udhehiqem nga njerez si STRESI apo Drogaxhinje te tjere. MJAFT ME ME INJORANTE TIK TOKU.

    Përgjigju
  • Masaker: 23/10/2022 19:16

    Foto e spitalit u cjerri masken policise dhe spitalit pranga ne njeriun duke dhan shpirt dhe trupi i nxim nga rrahjet ne dore te zotit edhe ne diktature nuk nodhte!!!!!!!

    Përgjigju
    • Laluci: 24/10/2022 08:18

      Bobo, ti i bere masaker fare gjuhes shqipe. Po ku ke mesuar te shkruash ne kete menyre o trupeshk? Me vrap ne klase te pare.

    • Zhani Pano: 23/10/2022 21:35

      O komentuesi Masaker! Nuk ka Shqiptar te kuptoje se cfare do te thuash ne komentin tend!

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet