Nëna e shoferit: Ma plagosën djalin për një rrogë 30 mijë lekë...Andi Maloku rrezikon të mbetet i paralizuar

Nena e Andi Malokut ne ambientet e spitalit te Traumes ne Tirane

Nëna e Andi Malokut, shoferit të prokurorit Arjan Ndoj që mbeti i plagosur në atentatin me armë zjarri te mbikalimi i Shkozetit, shkoi në spitalin e Traumës ku djali i saj u transportua pas plumbave të marrë. Shqiptarja.com mëson se 30-vjeçari ka marrë një plumb që i ka prekur shtyllën kurrizore dhe tjetri në mushkëri. Ai ndodhet jashtë rrezikut për jetën, thonë burimeë nga bluzat e bardha, por ka rrezik që të mbetet i paralizuar.

Fillimisht, e ëma e Malokut nuk është lejuar të futet brenda, duke marrë parasysh që forca të shumta të policisë kishin rrethuar urgjencën tek Trauma. E irrituar është shprehur se djali i saj është  plagosur për një rrogë 30 mijë lekë të rinj si shofer. Pas shumë debateve, nëna e Malokut është lejuar të futet brenda.

Ndërkohë prokurori arjan Ndoji dhe Aleksandër Laho, që njihet si Landi Muharremi, gjithashtu të plagosur në atentat, po marrin trajtim në spitalin e Durrësit.

Lajmi kryesor:

Plagosen në atentat prokurori i Durrësit dhe 'i forti i Sukthit'! Gjendet makina e padjegur e autorëve dhe 2 kallashnikovë

G.M./Shqiptarja.com

TAG:
• Landi Muharremi