Më shumë se 185 mijë punonjës në vend paguhen me vetëm 40 mijë lekë në muaj, sa paga minimale. Ky do të jetë grupi i parë që do të kalojë në filtrin e Administratës Tatimore, Inspektoriati të Punës dhe Institutit të Sigurimeve, për të goditur fenomenin e nëndeklarimit të pagave. Kjo për shkak se prej vitesh prej bizneseve është vënë re deklarimi vetëm me pagë minimale të punonjësve dhe pjesa tjetër jepet në dorë.
Në strategjinë afatmesme të të ardhurave e hartuar nga Ministria e Financave thuhet se grupi më i madh i pagave të deklaruara, që aktualisht është ai i pagave nga 60 mijë deri në 95 mijë lekë, do të futet gjithashtu në sitë. Sipas të dhënave të INSTAT, janë 26.8% e të punësuarve në Shqipëri që janë në këtë kategori pagash ose rreth 196,482 punonjës. Ndjekur më pas nga 20% e të punësuarve (146,628 punonjës) me paga në pragun e minimales 40-50 mijë lekë. (Përllogaritjet e shifrave të punonjësve në raport me pagat janë bërë duke marrë si referencë numrin prej 733,144 punonjësish në fund të 2023-shin sipas shifrave që janë pjesë e strategjisë).
Në ‘lupën’ e kontrolleve do të jenë edhe të punësuarit me turne, orët e punës, sa ditë në javë punohet si dhe deklarimi i saktë i profesionit të punonjësit nga ana e biznesit. Vetë administrata tatimore thotë se çdo muaj evidentohen tatimpagues të cilët nuk deklarojnë ose ndryshojnë deklaratat e mëparshme me ulje. Brenda viteve 2025-2027, do të ndërmerren disa masa kryesore për të goditur tregun e zi të punësimit.
Puna e institucioneve do të bazohet kryesisht në regjistra duke përdorur teknologjinë. Fillimisht do të bëhet një kontroll i detajuar i listëpagesave që parandalojnë shmangien e kontributeve të sigurimeve shoqërore dhe shëndetësore. Mbi bazë të këtyre kontrolleve do të ngrihen ‘Modulet e Riskut’ po për këtë qëllim, për të kaluar më pas tek kontrollet sektoriale. Përmes sistemeve do të analizohen të dhëna mbi pagat për sektorë të ndryshëm si dhe do të zhvillohen kontrolle ‘blitz’ në bizneset për të cilat ka dyshime se bëjnë nën-deklarim pagash në bazë të kryqëzimit të të dhënave. Së fundmi do të organizohet fushatë kombëtare për deklarimin real të pagave, për të këshilluar punonjësit që të refuzojnë këtë praktikë, si dhe do të ketë takime me bizneset për konkurrencën e padrejtë dhe punësimin informal.
“Zhvillimi i një fushate të gjerë ndërgjegjësimi, duke garantuar konfidencialitetin e të dhënave të individit, dhe rritjen e ndërgjegjësimit se raportimi i punës së pa deklaruar dhe nëndeklarimet e pagës, janë një përfitim jo vetëm për shtetin por mbi të gjitha për individin”, thuhet në strategji.
Me realizimin e këtyre objektivave, pritet që të rriten të ardhurat tatimore me 4.9 miliard lekë nga tatimi mbi të ardhurat personale dhe kontributet e sigurimeve shoqërore dhe shëndetësore.
Qeveria përmes këtyre masave synon të rrisë me 16% deklarimin e pagës reale deri në fund të vitit 2027, praktikisht kjo përqindje aktualisht është pjesa informale në tregun e punës. Po për të luftuar informalitetin vetë qeveria ka paralajmëruar se brenda tetorit do të shpaloset një reformë e re e bazuar në teknologji dhe inteligjencë artificiale.
ÇFARË DO TË SYNOJË FUSHATA NDËRGJEGJËSIMIT?
· Edukimi i tatimpaguesve në lidhje me rreziqet jo-tatimore të nëndeklarimit të të ardhurave, p.sh. pakësimi i pagesës së kontributeve të sigurimeve, qasje të kufizuar në kredi dhe aftësi e kufizuar për të shitur një biznes në të ardhmen.
· Marrja e informacionit të detajuar nga tatimpaguesit me qëllim rritjen e aftësive për të zbuluar dhe trajtuar aktivitetet e ekonomisë informale. Kjo ka për qëllim rritjen e besimit të komunitetit në efektivitetin e administratës duke demonstruar se shmangësit e tatimeve janë vënë para përgjegjësisë dhe do shërbejë si një pengesë e rëndësishme për të tjerët që mund të mendojnë të angazhohen në mosrespektimin e ligjit.
· Publikimi i masave/veprimeve kundër evazionit. Raportimi i rezultateve të arritura duke përfshirë ndjekjet penale të suksesshme që rrjedhin nga këto aktivitete.
Komente
Lajme të tjera
-
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor, 15:32
-
‘Shkrihet’ Drejtoria, 2 ‘SH.A’ për Hekurudhën shqiptare! Transporti i pasagjerëve në duart e privatit, PD: Punonjësit po paguhen kot (VIDEO)
10 Dhjetor, 17:50
-
Sektori privat në kah të kundërt me qeverinë, uli pagat e punonjësve gjatë sezonit të verës
10 Dhjetor, 14:25
-
Borxhi publik i Shqipërisë më 2025 do arrijë në 14,5 miliardë euro! Në fillim të vitit pritet emetimi i Eurobondit prej 650 mln euro
9 Dhjetor, 17:56
-
Si do jetë gjendja financiare e familjeve në 2025-ën? Qeveria parashikon rënie papunësie, rroga më të larta dhe të ardhura për frymë mbi 10 mijë euro
7 Dhjetor, 17:50
-
Borxhi publik afatshkurtër ka rënë në nivelet më të ulëta historike
2 Dhjetor, 12:44 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Partia e Lirisë kërkon shtimin e mbi 45 mld lekëve për Buxhetin 2025! Xhixho: Depozituam 11 amendamente në Kuvend, buxheti i Ramës për oligarkët
28 Nëntor, 18:27 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05
Te punesuarit kane rene vete dakort me kete menyre pagese dhe nuk u intereson te deklarohen me page te madhe sepse u ritet 11.2%si dhe tatimi I pages, dhe jo se mendojne per pronarin dhe kush shqiptaret? Te gjithe Jane spiuna.duan e rione, rrogat u Jane rritur, per mendimin tim ky eshte nje preteks.zoti Rama mos te ndertoj godina per administraten por te investor tek sektori I pensioneve, pa hyr ne temen e paaftesise.2-I nxjer per te mbush xhepat e inspektoreve te punes qe e kane takstative 3 vete nga 100,si dhe taksidaret e tatimeve qe shfrytezojne keto vendime idiote dhe mbushin xhepat se po vijne zgjedhjet, pas cdo gruppi kontrolli eshte nje drejtor qe mbush xhepat: Kjo eshte administrata Zoti Rama dhe Nuk i heq asnje Presje3- mos prismi te shkojne per kontroll ke subjekt te qe kane interesa, por do shkojne ke bizneset qe nuk imenaxhojine tatimoret, si dhe te Samir Mane@co ,valamar, etj,pra Rroft EDI se ne Nuk votojme per asnje, pra njerezit zgjedhin. Enver in me mire se keta dhjeksa per veten e vet dhe trima me te tjeret
PërgjigjuEkzistojne vende pune ku punohet 31 dite ne muaj edhe me ore nate dhe pagesa eshte 40000 lek me pronar kryetar bashkie actual. Ç'fare reforme mund te presesh ?
PërgjigjuTek rojet private një pjesë i marrin pa kontrat pune,nuk japin pushime javore,orë nate,leje zakonshme dhe asë pagën minimale tanë skllevër,inspektoriati i punës nuk kontrollon fare bëhet palë me firmat private dhe marin para nën dorë
PërgjigjuGati 100% e bizneseve e konsiderojne te shtunen dite pagese normale, qe duhet te llogaritet si orar shtese komplet dita e shtune qe eshte dite pushimi zyrtar.
PërgjigjuE shtuna dhe e djela duhen pushim pra te punohet vetem 40 ore ne jave ose nese punohet te shtunen duhet te perllogaritet si ore shtese kurse e djela per kedo qe punon te djelave te perllogaritet po si ore shtese por pa taksa shteterore per punonjesit.Pershembull nese e ka 200 leke te reja oren e punes te paguhet 400 dhe shteti ta perjashtoj nga taksat per diten e djele gjithashtu dhe per festat kombetare e njejta skeme.