Në ndryshimet në Kodin Penal, i cili prej muajsh është duke u punuar nga një grup i gjerë ekspertësh, por që janë ende në fazën e propozimeve dhe konsultimeve, përfshihet mes të tjerash edhe surrogacia pra “Porosia për të lindur fëmijë”.
Sipas ndryshimeve që propozohen, do të mundësohet që kundrejt pagesës ose përfitimeve të tjerë, një grua që jep pëlqimin dhe me vullnetin e saj merr përsipër të mbajë në trupin e saj dhe të lindë një fëmijë gjenetikisht të lidhur ose jo me nënën porositëse apo përfituesit, në favor të një personi apo çifti/personave përfitues që do të jenë në të ardhmen prindërit e fëmijës pas lindjes, duke ushtruar më pas të drejtat dhe autoritetin prindëror ndaj tij.
Ndërkohë përfshirja me qëllim përfitimi e një ndërmjetësi midis një personi ose një çifti që dëshiron të mirëpresë një fëmijë me një grua që pranon ta mbajë këtë fëmijë brenda trupit të saj dhe ta sjellë në jetë, në mënyrë që t’ua dorëzojë pas lindjes atyre, kur nëna e porositur dihet që përdoret rëndom të plotësojë porosi të tilla vetëm për këtë qëllim, duke vendosur në rrezik jetën dhe shëndetin e saj apo të fëmijës, dënohen me gjobë ose me burgim nga gjashtë muaj deri në tre vjet.
'Neni:
Porosia për të lindur fëmijë
1. Për qëllime të këtij neni “Porosia për të lindur fëmijë (Surrogacia)” është një marrëdhënie në marrëveshje, pavarësisht formës së saj, ku një femër/grua madhore (nëna surrogate) kundrejt pagesës ose përfitimeve të tjera, jep pëlqimin dhe me vullnetin e saj, merr përsipër të mbajë në trupin e saj dhe të lindë një fëmijë gjenetikisht të lidhur ose jo me nënën porositëse apo përfituesit, në favor të një personi apo çifti/personave përfitues që do të jenë në të ardhmen prindërit e fëmijës pas lindjes, duke ushtruar më pas të drejtat dhe autoritetin prindëror ndaj tij.
2. Përfshirja me qëllim përfitimi e një ndërmjetësi midis një personi ose një çifti që dëshiron të mirëpresë një fëmijë me një grua që pranon ta mbajë këtë fëmijë brenda trupit të saj dhe ta sjellë në jetë, në mënyrë që t’ua dorëzojë pas lindjes atyre, kur nëna e porositur dihet që përdoret rëndom të plotësojë porosi të tilla vetëm për këtë qëllim, duke vendosur në rrezik jetën dhe shëndetin e saj apo të fëmijës, kur inseminimi apo edhe lindja bëhen jashtë mjediseve të përshtatshme/ palicensuara për kryerjen e procedurave të tilla apo për lindjen e fëmijëve, dënohen me gjobë ose me burgim nga gjashtë muaj deri në tre vjet.
3. Nëse vepra sipas parashikimit të paragrafit dy të këtij neni, kryhet nga një person që ushtron një profesion shëndetësor, dënim shtohet deri në një të tretën e tij.’- thuhet në propozimet për ndryshimet në Kodin Penal.
Ndryshimet në Kodin Penal prej muajsh janë duke u punuar nga një grup i gjerë ekspertësh. Këto janë ende në fazën e propozimeve dhe konsultimeve.
Grupi i punës për ndryshimet në Kodin Penal përfshin përveç ministrisë së Drejtësisë edhe përfaqësues të shkollës së magjistraturës dhe ekspertë të fushës.
Lajme të tjera
-
Surrogacia dhe 'martesa' tek tarraca e bashkisë, qytetarët protestë te sheshi ‘Skëndërbej’: Po shkatërrohet familja
24 Maj, 19:01 -
Gazetari Tanini: Një nënë surrogate merr deri në 5 mijë euro, kryhet prej 10 vitesh në Tiranë! Mjeku Cami: Ligji i vonuar, por i domosdoshëm
14 Maj, 22:10 -
Brizida Gjikondi letër të hapur zonjës Lindita Nikolla: Pr/ligji 'Për shëndetin seksual dhe riprodhues' , porta e ferrit të degjenerimit që i ofrohet të rinjve shqiptarë si normalitet
14 Maj, 19:23
-
Feja e shoqëria kundër surrogacisë! Ministria e shëndetësisë nis konsultimet për draftin
13 Maj, 17:51
-
Partia e Lirisë kundër pr/ligjit që lejon surrogacinë, Meta: S’do lejojmë të kthehemi në fermë uterusi të mafies
9 Maj, 17:37 -
Projektligji për surrogacinë, lindjen in vitro dhe abortin! Besimet fetare: Ndalni draftin, konsultim publik
9 Maj, 12:45 -
Pr.ligji për nënat surrogate, Tritan Shehu: Shqipëria do kthehet në fermë uterusesh për llogari të grupeve kriminale
24 Prill, 11:30 -
Pr.ligji për shëndetin riprodhues e nënat surrogate, ministrja i përgjigjet opozitës: U hodh në konsultim publik, reflekton praktikat ndërkombëtare
24 Prill, 09:49 -
Pr/ligji për shëndetin riprodhues e nënat surrogate, kryetarja e komisionit të Shëndetësisë: U hartua në skutat e klinikave private! I hap rrugë monopolit e skllavërisë moderne
23 Prill, 11:30 -
Projektligji i ri njeh surrogacinë, teologu: Surrogacia mund të quhet dhe prostitucion! Mjeku: Krahasim i tepruar
22 Prill, 14:52 -
Pr/ligji për shëndetin riprodhues/ Njihen nënat surrogate, i hap rrugën abortit mbi 16 vjeç
19 Prill, 17:16
-
Drafti/ Nëse mban dy ose më shumë martesa burg deri në 4 vite
4 Shkurt, 22:10
