Në Shqipëri nesër nis viti i ri shkollor 2024 – 2025. Policia e Shtetit njofton se ka hartuar një plan masash me detyra të qarta për kontrollin e territorit, ruajtjen e rendit dhe angazhimin e policisë kriminale dhe rrugore, bazuar dhe në një vlerësim të situatës kriminale në të gjitha qarqet.
'Qëllimi i këtij plani është garantimi i sigurisë publike, ruajtja e rendit dhe qetësisë, parandalimi i fenomeneve negative në shkolla, si dhe rritja e sigurisë për nxënësit dhe personelin mësimor, si në mjediset e shkollave ashtu edhe në rrugë. Përpara fillimit të vitit shkollor është bërë një vlerësim i situatës kriminale në të gjitha qarqet. Bazuar në këtë vlerësim, strukturat vendore të policisë kanë hartuar Plane Masash me detyra të qarta për kontrollin e territorit, ruajtjen e rendit dhe angazhimin e policisë kriminale dhe rrugore.'- thuhet në njoftimin e sotem për median.
Për të siguruar zhvillimin normal të procesit mësimor dhe sigurinë e nxënësve në ambientet e jashtme dhe në afërsi të shkollave, Policia e Shtetit ka angazhuar Ndihmës Specialistët e Policisë në zona, punonjësit e Policimit në Komunitet, shërbimet e Patrullave të Përgjithshme, Forcën e Posaçme.
-Në këtë kontekst, po bashkëpunohet ngushtësisht me Drejtoritë Arsimore Rajonale, drejtuesit e shkollave, stafet mësimore dhe oficerët e sigurisë në shkolla për të garantuar fillimin e mbarë të vitit të ri shkollor dhe krijimin e një mjedisi sa më të sigurt për çdo nxënës.
- Edhe Patrullat e Përgjithshme do të jenë të pranishme sipas juridiksionit të tyre.
Ditën e nersërme 9 shtator, nis viti i ri shkollor. Me nisjen e vitit të ri shkollor, Bashkia e Tiranës ka planifikuar një regjim të ri për qarkullimin e trafikut, për të shmangur vonesat për prindërit dhe fëmijët gjatë orëve të mëngjesit.
Me nisjen e vitit të ri shkollor, Bashkia e Tiranës ka planifikuar një regjim të ri për qarkullimin e trafikut, për të shmangur vonesat për prindërit dhe fëmijët gjatë orëve të mëngjesit.
Policia do të rekrutojë vullnetarë për t’u ardhur në ndihmë qytetarëve, në mënyrë që të menaxhojnë fluksin në çdo shkollë. Gjithashtu, ai theksoi se do të jetë e ndaluar lëvizja e automjeteve që furnizojnë dyqanet nga ora 07:00 deri në 09:00 të mëngjesit.
“Të hënën do të futemi me regjimin e ri të trafikut. Do të angazhojmë edhe vullnetarë për të ndihmuar fëmijët të kalojnë në vijat e bardha, përveç ndihmës nga Policia Bashkiake dhe Policia Rrugore. Në fundjavë do të publikojmë urdhërin e kryetarit të bashkisë për orarin e qarkullimit në mëngjes. Në çdo vend të botës, në orën 7:00 nuk ka njeri që vjen me makina të sjellë patatina. O merri një natë më përpara ose nuk mundet që në orën 8:00 të bësh garë kush shkon në shpejt, fëmijët në shkollë apo çipsat dhe çimçakizat në dyqan. Gjatë kohës që shkojnë fëmijët në shkollë, nga ora 7:00 me 9:00, ne do t’i pezullojmë totalisht makinat e furnizimit”, deklaroi kryebashkiaku Erion Veliaj pak ditë më parë.
Bashkia një apel e ka edhe për prindërit që punojnë në administratë publike, që të shmangin lëvizjen deri në 09:00 të mëngjesit, duke qenë se me orarin e ri mund të paraqiten në vendin e punës më vonë, mjafton që të plotësojnë orarin e plotë.
Lajme të tjera
-
Pesë vite pas tërmetit, gati gjimnazi 'Naim Frashëri’! Çfarë do të bëhet me ‘Gjergj Kastriotin’? Flet për Report Tv kryebashkiakja e Durrësit
7 Shtator, 17:49
-
Të hënën nis shkolla/ Ndalohet lëvizja e furgonëve të mallrave në orën 07:00-09:00, Veliaj: Apel edhe për prindërit në administratë publike
6 Shtator, 18:49 -
Dimal, fëmijët e dy fshatrave mësim në lokal, Banori: Ka 4 vite që shkolla është premtuar dhe asgjë! I bëjmë thirrje Edi Ramës
11 Shtator 2023, 11:42 -
Vlorë, viti i ri shkollor nis me mbi 110 nxënës më pak! Dy shkolla do i nënshtrohen rikonstruksionit
11 Shtator 2023, 11:20 -
Viti shkollor në ‘lupën’ e PD-së: Më pak nxënës, më shumë kosto
11 Shtator 2023, 11:14 -
Nesër dita e parë e shkollës, këshillat e psikologes: Flisni hapur me fëmijët
10 Shtator 2023, 15:43
-
Viti i ri shkollor, shtyhet regjistrimi për klasën e parë dhe vitin e parë gjimnaz! Aplikimet e hapura në e-Albania deri më 10 shtator
7 Shtator 2023, 10:46 -
Shkolla rifillon më 5 janar pas pushimeve të dimrit, studentët kthehen në auditorë në 9 janar! Në arsimin 9-vjeçar këtë vit rikthehen pushimet e pranverës
26 Dhjetor 2022, 13:16 -
Denoncimi i PD-së: Mësuesit punojnë si 'skllevër' me orë të tejzgjatura! Nuk ka asnjë investim nga qeveria (VIDEO)
20 Shtator 2020, 11:56
