Nesër nis viti i ri shkollor, Çupi publikon video nga shkollat në Dibër: Në gjendje të mjerueshme, qeveria s’ka vënë dorë për vite me radhë

Një ditë para nisjes së viti të ri shkollor, deputetja demokrate Dhurata Çupi ka publikuar një video në të cilën shfaqen dy shkolla në Dibër, njëra në fshatin Plan i Bardhë, ndërsa tjetra në Klos. Demokratja shkruan se shkollat në Dibër janë lënë në gjendje të mjerueshme.

Ajo thotë se qeveria nuk ka vënë dorë në godinat e këtyre shkollave për vite me radhë, duke i lënë ato të degradojnë, gjë ka sjellë edhe shpopullimin e këtij qyteti.

“Mjerimi dhe shkretimi i shkollave! Nesër ata pak nxënës që kanë mbetur në fshatrat e Klosit do të shkojnë në shkolla, të cilat ke frikë t’i shohësh në video, jo më të bësh mësim atje. Pamjet flasin sa 1 mijë fjalë. Qeveria nuk ka vënë dorë për vite me radhë, duke i lënë shkollat të degradojnë dhe nxënësit të largohen, bashkë me prindërit e tyre. Gjendja është alarmante dhe vazhdon të përkeqësohet vit pas viti. Shpopullimi masiv i Matit, Klosit, dhe i zonave të tjera të Veriut përmes mjerimit, braktisjes, diskriminimit është politikë antikombëtare dhe krimi më i madh i kësaj qeverie.”

LEXO EDHE:
Firmoset në Vjenë marrëveshja për transformimin e Universitetit Bujqësor të Tiranës, investimi 3 mln euro

Lajmi kryesor:

Nesër nis viti i ri shkollor, nxënësit e klasave të para do bëjnë Informatikë! Për herë të parë, nis gjimnaz për fëmijët që nuk dëgjojnë! Kushi: Vit të mbarë

SI.E./Shqiptarja.com

TAG:
• Evis Kushi
• ministria e arsimit
• viti i ri shkollor