Edhe pse zgjedhjet e parakohshme të Himarës mbahen ditën e nesërme, përfaqësuesit politikë të PBDNJ-së nuk janë pajtuar ende me vendimin ligjor që mori Komisioni Qendror i Zgjedhjeve me heqjen e mandatit të Fredi (Dhionisios, Petro, Alfred) Belerit dhe shpalljen e zgjedhjeve lokale të 4 Gushtit.
Dhe pikërisht një ditë para zgjedhjeve, është Vangjel Dule, kreu i Partisë Bashkimi për të Drejtat e Njeriut, ai që ka ankimuar vendimin e KQZ, që shpalli të pavlefshëm mandatin e Fredi Belerit duke i hapur rrugë zgjedhje të reja.
Më herët ishte vetë ish-kryebashkiaku i dënuar nga Apeli i GJKKO me 2 vite burg për korrupsion zgjedhor me votat, që kishte ankimuar vendimin dhe i kërkoi Administratives anulimin e dekretit të Presidentit, Gjykata e rrëzoi kërkesën dhe tani është kreu i partisë, Dule, ai që ka ndërmarrë nismë ligjore.
Dule kërkon anulimin e vendimit të datës 5 korrik 2024 të Komisionerit Shtetëror të Zgjedhjeve, duke e cilësuar si një akt i paligjshëm dhe zgjidhjen e pasojave të ardhura prej tij, vlefshmërinë e mandatit të ankuesit, të verifikuar dhe legjitimuar me Vendimin nr. 611 datë 25.05.2023 të KQZ, si dhe konstatimin e mungesës së rasteve ligjore të “përfundimit të parakohshmë të mandatit të Kryetarit të Bashkisë Himarë”.
Në ankimimin e Dules shkruhet dhe theksohet ndër të tjera:
“Vendimi i KQZ është një akt administrativ i paligjshëm, pasi organi administrativ ka vepruar në tejkalim të kompetencave që i ka njohur ligji, ka shkelur dispozitat ligjore në lidhje me procedurën administrative, ka mungesë të elementëve të detyrueshëm të aktit administrativ, si pjesa arsyetuese e gjithë urdhërimeve të tij dhe ligji i zbatueshëm për efekt të vendimmarrjes konkrete, është në shkelje të dispozitave që rregullojnë ushtrimin e kompetencave të këtij organi, si dhe është pasojë e diskrecionit të ushtruar në mënyrë jo të ligjshme, si i tillë duhet të anulohet, bazuar në nenin 109/a, b, dhe “dh” të Kodit të Procedurave Administrative si dhe nenit 113 dhe 114 të Kodit të Procedurave Administrative, me qëllim rivendosjen e ligjshmërisë.
13. Rezulton që KQZ ka filluar një procedurë administrative bazuar në kërkesën me nr. 1719 prot., datë 26.06.2023 të shtetasit z. Eugen Likaj nëpërmjet të cilës kërkohet konstatimi i përfundimit të parakohshëm të mandatit të Kryetarit të Bashkisë Himarë, z. Dhionisios (Alfred) Petro Beleri, propozuar nga subjekti zgjedhor koalicioni “Bashkë Fitojmë”, për zgjedhjet për organet e qeverisjes vendore të datës 14 maj 2023.
13.1 Bazuar në nenin 61 të ligjit nr. 139/2015, rastet e përfundimit të parakohshëm të mandatit janë taksative, dhe kanë të bëjnë me rrethana të tilla objektive si pazotësia e kryetarit të bashkisë për të ushtruar detyrën, për shkak të vdekjes, humbjes së zotësisë për të vepruar, apo rrethana subjektive, refuzimi i kryetarit të zgjedhur të kryejë betimin, mosbanimi në të njëjtën bashki ku është zgjedhur kryetar, kandidon për deputet, jep dorëheqjen, apo shkarkohet nga Këshilli i Ministrave sipas nenit 62 të të njëjti ligj. Në të gjitha këto raste, procedura nuk kalon nëpërmjet KQZ, por këshilli bashkiak (neni 61/3) njofton prefektin, i cili nga ana e vet njofton këshillin e Ministrave, i cili njofton Presidentin, që zbaton Kodin Zgjedhor. Pra KQZ është hallka e fundit pas Presidentit, për efekt të zbatimit të Kodit Zgjedhor. Në këtë dispozitë, e cila është e vetmja që parashikon “përfundimin e parakohshëm të mandatit” të kryetarit të bashkisë, nuk parashikohet rasti i dënimit me vendim gjyqësor të formës së prerë si rast i përfundimit të parakohshëm të mandatit, nuk parashikohet që kërkesa mund të bëhet nga ndonjë shtetas në KQZ, si dhe nuk parashikohet ndonjë vendimmarrje nga KQZ.
13.2 Në pjesën arsyetuese të aktit administrativ Komisioneri nuk shprehet dhe nuk ka dhënë asnjë konsideratë fakti apo ligji në lidhje me kërkesën e paraqitur e cila e ka vënë në lëvizje, që ka pasur për objekt “përfundimin e parakohshëm të mandatit”.
Komente
Lajme të tjera
-
Salla e Parlamentit në kaos nga deputetët e PD, Dule dhe Mediu shkojnë në kafe!
17 Tetor, 10:40 -
Denoncimi i KIRK për zgjedhjet e pjesshme të Himarës, KQZ propozon gjobitjen me 100 mijë lekë të kryebashkiakut Vangjel Tavo, pushohet hetimi për Blendi Klosin
8 Tetor, 18:42 -
Dhuna e djegia e karrigeve në Kuvend! Kallëzohen në SPAK 23 deputetë të opozitës, JA EMRAT! Ministri Hoxha: Akt vandalizmi i papranueshëm
1 Tetor, 10:18 -
‘Mosbindja civile’ dhe protesta e 7 tetorit, Federata e Opozitës mblidhet në selinë e PD. Mungon Meta, i pranishëm dhe Alimadhi
1 Tetor, 09:52 -
Fitoi Himarën më 4 gusht! Vangjel Tavo betohet dhe merr detyrën si kryetar bashkie më 30 Shtator
23 Shtator, 11:48 -
Pas KQZ, Gjykata e Vlorës i jep Vangjel Tavos mandatin si kryetar i Bashkisë Himarë
19 Shtator, 11:07 -
Dy javë pas lirimit nga qelia, ish-kryebashkiaku i Himarës Fredi Beleri kërkon pafajësinë në Gjykatën e Lartë
16 Shtator, 10:35
-
Eduard Zaloshnja: Himara, kyçi i mandatit të 9-të socialist në qarkun Vlorë
12 Shtator, 14:54
-
I hapet rruga betimit të Vangjel Tavos, nesër KQZ i jep mandatin si kryebashkiak i Himarës
11 Shtator, 10:16 -
Zgjedhjet në Himarë/ Kolegji Zgjedhor rrëzon koalicionin ‘Bashkë Fitojmë’, i hapet rruga betimit të Vangjel Tavos si kryebashkiak
9 Shtator, 17:22 -
KAS rrëzon dyshen Meta-Berisha: S’ka shkelje në Himarë! ‘BF’ kërkoi zgjedhje të pavlefshme, KQZ: Vangjel Tavo fitues
26 Gusht, 12:08
-
Dëmet kolaterale të perëndimit të Vangjelit
24 Gusht, 20:45
Pirdh Dule pirdh se lirohesh.Rri rri dhe,pasi merr ndonje urdher nga Agimi i Arte etj etj shkruan dhe ndonje leter.Nuk mbush fare o i zi!
Përgjigju