Ëndrra e saj për të qenë pjesë e Akademisë së Policisë duket se po bëhet realitet.

Dje për pak orë, një nga banorët e shtëpisë së “BB7” ka “braktisur” shtëpinë e për pak orë për t’u bërë pjesë e konkursit në Akademinë e Policisë në Tiranë.

Bëhet fjalë për Nevilën, ku pas konkurimit është kthyer në shtëpi me një zarf në dorë dhe u kërkon të gjithë banorëve që të grumbullohen, pasi ka një komunikim nga Vëllai i Madh për ta.

Të gjithë banorët brohorasin teksa e shohin dhe grumbullohen e presin gjithë kureshtje komunikimin.

Ajo lexon se siç janë njoftuar edhe gjatë spektaklit të kaluar, Nevila ka shkuar të konkurrojë sot në konkursin e Akademisë së Policisë.

Ajo shkoi dje për të dhënë konkursin në Pallatin e Kongreseve.

Vëllai i Madh i uron asaj suksese për të qenë një prej uniformave blu në Shqipëri, ndërsa banorët duartrokasin dhe brohorasin, duke e uruar që ta fitojë konkursin dhe t’i realizohet ëndrra e saj.

Më pas ata grumbullohen afër saj dhe fillojnë ta pyesin, ndërsa Nevila i tregon detaje edhe rreth testit të provimit.

Banorët thonë se janë të lumtur që ajo u kthye, pasi kanë menduar për diçka të keqe që mund t’i kishte ndodhur.

Shkrimi u botua në numrin e sotëm të gazetës "Shqiptarja.com)
Redaksia online
(b.t/shqiptarja.com)