Të hënën shtohen 14 zonat e gjelbra, hapen parukeritë, dentistët e qendrat tregtare! Nga 18 maji nisin punën baret, lejohen stërvitjet individuale

Ndërkohë që transporti publik dhe ai ajror për pasagjerët është i ndaluar prej 58 ditësh karantinë, Ministria e Shëndetësisë ka menduar që të lejojë hapjen e transportit hapësinor. Në portalin e-albania që prej 4 majit lejohet transporti hapësinor. Se çfarë do të thotë kjo saktësisht për vendin tonë nuk është ende e qartë.

Nga një kërkim që bëmë na rezulton se transporti hapësinor lidhet me hedhjen e satelitëve dhe mjeteve hapësinore, transportin hapësinor të mallrave dhe pasagjerëve. Duket se transporti hapësinor është një aspiratë shumë e madhe për Shqipërinë tonë të vogël, qoftë edhe në të ardhmen e saj të largët.

Prandaj do ishte mirë që Ministria e Shëndetësisë të sqarojë se çfarë përfshinë saktësisht transporti hapësinor në Shqipëri dhe të fokusohet në atë që ka vërtet vlerë për qytetarët dhe bizneset, hapjen e transportit ajror të pasagjerëve për të udhëtuar drejt vendeve të tjera dhe atij publik.

Deklarata e ditës së sotme të Ministres së Shëndetësisë, Ogerta Manastirliu në lidhje me hapjet e muzeve ka shkaktuar paraqitësi dhe konfuzion jo vetëm tek këto biznese por dhe qytetarët.

Manastirliu tha se muzetë do të hapen pas 18 majit, por në portalin e-albania, ku bizneset marrin lejen dhe protokollin e masave të sigurisë për hapjen e aktivitetit të tyre, muzetë janë të hapura që më 4 maj.

Në listën e bizneseve të hapura më 4 maj të publikuar në e-albania janë shtuar muzetë, aktivitete mbështetëse për shfaqje artistike, arsimi kulturor, kopshtet botanike dhe zoologjike,  shoferët e rinj të cilët marrin mësime për kursin e patentës.

Gjithashtu do të lejohen të nisin punën kurset e ndryshme, arsimi kulturor, bibliotekat si dhe krijimtaria artistike.

Sipas planit në tentativë, nëse të dhënat do të jenë të qëndrueshme, bazuar në kriteret e përcaktuara nga Komiteti Teknik, nga data 1 qershor po planifikohet të lejohet hapja e çerdheve dhe e kopshteve publike dhe private.

“Dëshiroj të ndalem këtu, duke theksuar nevojën e një vlerësimi të thellë dhe shumë të kujdesshëm të kushteve higjieno-sanitare për çdo strukture të kopshteve dhe çerdheve dhe standardeve qe duhet të plotësojnë për të mirëpritur fëmijët në këto institucione me rregullat e reja. Protokollet e sigurisë do të bëhen të njohura në ditët në vijim, ku dhe do të ngarkohen për zbatim të gjithë institucionet përgjegjëse për plotësimin e tyre deri në këtë datë”, tha Manastirliu.