Nga e mërkura pritet të zbresin temperaturat, si parashikohet moti gjatë muajit nëntor, Meteorologia: Të premten rikthehen reshjet e shiut

Këtë javë futemi në muajin nëntor, muaj i cili parashikohet që të vijë më tipare të vjeshtës, me temperatura më të freskëta.

Anira Gjoni, nga IGJEUM, në një intervistë për Report Tv tha se nga e mërkura temperaturat pritet që të zbresin deri në 4-5 gradë por megjithatë, e thënë në përgjithësi do të qëndrojnë me vlera më të larta sesa jemi mësuar.

‘Nga e mërkura presim që temperaturat të zbresin, prej 4-5 gradësh. Nëse flasim për të një parashikim afatmesëm presim që muaji nëntor të jetë në vlert e temperaturave me rënie, por e thënë në përgjithësi do të qëndrojmë me vlera më të larta sesa jemi mësuar. Ne po përjetojmë muaj që janë më të ngrohtë sesa referuar mesatareve shumëvjeçare.’- tha Gjoni.

LEXO EDHE:
Pluhuri afrikan mbulon Shqipërinë, temperatura të larta deri në 26 gradë celsius! Italia goditet nga cikloni i Kolombit, pritet ‘bora e kuqe’

Po ashtu meteorologia u shpreh se muaji nëntor pritet të shoqërohet edhe me reshje shiu.

‘Dita e premte, e shtunë do të jenë me reshje. Presim që ky nëntor të shoqërohet me reshje shiu. Për ditën e nesërme presim që qarqet e veriut Shkodra dhe Kukësi të kenë më shumë reshje, sa i takon të premtes do të ketë pothuajse në gjithë vendin.’- tha Gjoni.

M.Q./r.k./Shqiptarja.com

TAG:
• IGJEUM
• anira gjoni