POP 5

Lajmet më të lexuara të 5 minutave të fundit

Kronikë

Nga ekzekutimi i Sofisë te Pjerin Xhuvani para zgjedhjeve, në 4 muaj 20 vrasje, 5 më shumë se në 2020

Katërmujori i parë i këtij viti nuk është më i keqi ndër vite përsa i përket numrit të vrasjeve por krahasuar me vitin e kaluar kanë ndodhur 5 vrasje me shumë. Nga ngjarjet me të rënda është ajo e atentatit të Behar Sofisë pranë piramidës në Tiranë dhe vrasja e Pjerin Xhuvanit pak ditë para zgjedhjeve në Elbasan.

TIRANË- Në katër muajt e parë të vitit 2021 janë regjistruar në total në të gjithë vendin 20 vrasje. E krahasuar me të njëjtën periudhë të një viti më parë, janë pesë vrasje më shumë, ndërsa edhe këtë vit nuk kanë munguar atentatet mafioze.

Ishte ora 08:45 e mëngjesit. Një ndër zonat më të populluara të kryeqytetit u trondit. Të shtënat e mbytura të silenciatorit, të enjten e 25 shkurtit ishin në drejtim të 66-vjeçarit Behar Sofia i cili u vra përballë Piramidës, sapo kishte dalë nga banesa. Autori u largua qetësisht me biçikletë. Vrasja e Sofisë ishte vetëm një nga 19 të tjera në vend.

Nga 1 janari deri në 30 prill të paktën shtatë vrasje dyshohen si atentate me vrasës me pagesë të tipit mafioz. Në fokus të krimit janë sërish pikat e nxehta tradicionale, duke filluar nga Durrësi, për të vazhduar me Shkodrën, Fierin, Vlorën, Tiranën dhe Elbasanin. Interesant mbetet fakti që të gjitha vrasjet e këtij katër mujori të parë të çojnë në Fushë Krujë, aty ku gjenden pjesa më e madhe e vrasësve me pagesë.

Qyteti i Durrësit është tronditur dy herë gjatë kësaj kohe, ngjarje akoma të pazbardhura. Vrasja e Edmir Begut dhe pak kohë më vonë edhe e mikut të tij, Edmond Koçi, i njohur si Mond Çekiçi. Në Fier u vra Shkëlzen Kastrati në ditën e parë të shkurtit. Ngjarja është zbardhur, por pjesa më e madhe e autorëve janë në arrati. Në Vlorë u vra Gentjan Qarri, në mes të qytetit. Karikator plumbash u shkreh edhe në drejtim të Bardhok Pllanajt në Shkodër dhe vetëm pak ditë para zgjedhjeve u ekzekutua Pjerin Xhuvani në Elbasan.

Pjesa më e madhe e këtyre vrasjeve kanë motiv prishjen e pazareve të drogës dhe hesapet e pambyllura. Gjatë kësaj periudhe nuk ka munguar edhe krimi brenda familjes.

Në një raport të publikuar nga INSTAT, thuhet se viti i kaluar ka regjistruar në total 52 vrasje me dashje. Sipas këtij raporti vletor statistikash të kriminalistetit, 2020-a ka regjistruar 6 vrasje me dashje më pak se 2019-a, në të cilin janë regjistruar 58 vrasje. Por, 2020 njihet një vit më negativ se 2017-a dhe 2018-a, tek të cilët janë regjistruar përkatësisht 50 dhe 51 vrasje me dashje. Viti më i keq i vrasjeve në pesë vitet e fundit është 2016-a, në të cilin janë regjistruar 71 vrasje me dashje.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

BE: Sanksione të reja ndaj flotës së fshehtë të Rusisë, pas sabotimit të dyshuar kabllor nënujor

BE: Sanksione të reja ndaj flotës së fshehtë të Rusisë, pas sabotimit të dyshuar kabllor nënujor

26 Dhjetor, 23:01