POP 5

Lajmet më të lexuara të 5 minutave të fundit

Ekonomi

Nga Kardhiq-Delvinë te Unaza e Tiranës/10 rrugët që do të përfitojnë fonde nga buxheti i 2020

4.7 miliardë lekë është fondi i parashikuar nga buxheti i shtetit që do të shkojë për 10 projekte të rëndësishme infrastrukturore. Sipas shifrave të Ministrisë së Financave pjesa më e madhe e fondit do të shkojë për rrugën Kardhiq-Delvinë dhe për ndërtimin e Unazës së Tiranës.

Buxheti i Shtetit do të financojë 4.7 miliardë lekë 10 prej segmenteve më të rëndësishme infrastrukturore në vend. Sipas shifrave të Ministrisë së Financave në vitin e ardhshëm pjesa më e madhe e këtij fondi të parashikuar do të shkojë për ndërtimin e rrugës Kardhiq-Delvinë.

Në buxhetin e vitit të ardhshëm 1.3 miliardë lekë do të shkojnë për këtë aks rrugor, i cili është parashikuar të jepet me koncesion por tenderi u anulua për vitin 2019 pasi buxheti i parashikuar për këtë aks kaloi për vepra më prioritare. Vlera totale e këtij segmenti rrugor është rreth 12 miliardë lekë dhe pritet të përfundojë financimi nga buxheti i shtetit në vitin 2022.

Në vend të dytë, me 757 milionë lekë, është segmenti rrugor “Mbikalimi pallati me shigjeta rrethrrotullimi Shqiponja”, I ndjekur më pas nga aksi tjetër Unaza lindore Loti 2 dhe 3 që do të marrë nga fondi i parashikuar 570 milionë lekë. Të dy këtyre akseve rrugore pritet t’u përfundojë financimi në vitin 2022.

Pjesën më të vogël të financimit do ta marrë rruga Elbasan-Banjë konkretisht 121 milionë lekë dhe financimi i fundit pritet të jetë ky i vitit të ardhshëm. I fundit që do të përfitojë nga financimi i brendshëm është Qafë Thanë-Lin-Pogradec me fonde të parashikuara 65 milionë lekë. Edhe për këtë aks financimi i fundit është vitin e ardhshëm.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut

Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut

18 Dhjetor, 09:34