POP 5

Lajmet më të lexuara të 5 minutave të fundit

Opinion

Nga Meta e Basha, tek gazetarët e tyre: Gjashtë skandalet publike të një vrasje politike

Sot është vrarë Pjerin Xhuvani, një 56 vjeçar në Elbasan, dhe janë plagosur katër persona të tjerë vetëm për arsye politike.

Nga Meta e Basha, tek gazetarët e tyre: Gjashtë skandalet publike të një vrasje politike

Presidenti Ilir Meta dhe kryedemokrati Lulzim Basha

Sot është vrarë Pjerin Xhuvani, një 56 vjeçar në Elbasan, dhe janë plagosur katër persona të tjerë vetëm për arsye politike.

Ende janë të pazbardhura rrethanat e këtij krimi makabër, që i mori jetën një personi dhe rrezikon ende jetën e 4 të tjerëve, por deri tani dihet se thelbi i shkrepjes së armëve ka qenë thjesht e vetëm për arsye politike.

Truproja e kreut politik të PD-së për Qarkun e Elbasanit, Arbër Papleka, ka marrë përsipër vrasjen e Pjerin Xhuvanit, në deponimin e parë që ka bërë në polici, të cilin e ka motivuar në kushtet e vetëmbrojtjes. Pra ka ndodhur një kasaphanë e vërtetë në mes të një qyteti si Elbasani, në mes të ditës, ku njerëz që dalin nga një furgon që ka logon e Partisë Demokratike, kanë përdorur armët e zjarrit dhe kanë marrë jetën e një personi, si dhe është tentuar marrja e jetës e 4 personave të tjerë.

Kjo është ngjarja e Elbasanit sot.Skandali i parë që ka ndodhur me këtë ngjarje dhe që është uluritës, është se panelistë që e quajnë veten “gazetarë” pranë partisë së Ilir Metës, janë marrë me biografinë e viktimës, duke mos raportuar asgjë mbi ngjarjen reale, mbi autorin dhe motivet që mund të mësoheshin shpejt e shpejt.

Skandali i dytë ka ndodhur me dy analistë që ndodheshin në një studio, si Artur Zheji dhe Fatos Lubonja, të cilët nuk kanë dënuar këtë vrasje të pastër për motive politike, por përkundrazi e kanë justifikuar një krim si pasojë normale, e jo si vepër e pastër penale me pasojë marrjen e jetës së njeriut.

Skandali i tretë është se ndërkohë që ka ndodhur ngjarja, Ilir Meta është prononcuar, por nuk ka ngushëlluar familjarët e viktimës, nuk ka dhënë asnjë mesazh për të ndalur dhunën, por ka nxitur tensionin duke akuzuar Prokurorinë si të lidhur me PS-në.

Skandali i katërt ishte prononcimi në të nxehtë i kreut politik i PD-së për Qarkun Elbasan, i cili, kur ka qenë në dijeni të një vrasje, edhe pse në kushte të mjergullta nuk dha asnjë mesazh për qetësi, por ka hedhur benzinë në zjarr, duke pasur në dorë shkrepsen për ta ndezur.

E pakta, pasi bëhet fjalë për një njeri të afërt të tij, ai duhet të hidhte ujë në zjarr.

Skandali i pestë është se lideri i Partisë Demokratike, nuk ka dhënë asnjë mesazh publik kur ka pasur një vrasje prej një pjesëtari të partisë së tij.

Fshehja e Lulzim Bashës është totalisht e pajustifikueshme, sido që të jenë rrethanat, ai është i pari që duhet të fliste për të qetësuar situatën.

Skandali i gjashtë është natyrisht presidenti i Republikës, që dy herë ka folur për ngjarjen dhe dy herë e ka injoruar atë.

Është vrarë një njeri sot, e janë plagosur 3 të tjerë.

Media duhet të flasë për vrasësin dhe rrethanat e krimit.

Motivet le ti gjejë Prokuroria, por njerëzut duan të dijnë faktet e jo komentet e shërbëtorëve politikë në panele…/TemA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rosa: 21/04/2021 20:49

    Shyqyr qe jane keta gazetaret e Rames se do kishim mbetur pa lajme fare.

    Përgjigju
    • Cubi: 22/04/2021 10:26

      Ti Rosa qenke nje cop legen si legeni qe ju drejton. Shqiptari eshte kthyer kunder shqiptarit per partin. A keni ndonje fije tru apo keni byk. Jan mbledhur te gjith kriminalat pran shqupit dhe leshit te ijes e tallen me jeten e tjtrit. Jeten e ka dhen zoti dhe ai duhet te na e mar. Ne rastese sdi cfar te shkruash mos shkruaj.

  • Taypi: 21/04/2021 20:07

    Ngushellime familjes ne radhe te pare se ishte njeri dhe jo kafshe.. Si puna e ketyre politikaneve .. Eshte turp te degjosh keto komente nga goja e nje presidenti apo kandidat per deputet.. Esht gjynaf te vijne ne pushtet keta qe mbajne emrin si demokrate se vetem te tille nuk jane.... I qendroj shprehjes.. ** nuk behet shqiperia me shqiptare** esht gjynaf

    Përgjigju
    • Like: 22/04/2021 09:31

      Ata jane kafshe e sillen si egersira me popullin, mbase do ti vij dita se shpejti qe mos te shohin driten e diellit me sy

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08