Nga rruga në Muze, artisti i njohur grek ‘Same84’ thyen barrierat e dhuron një vepër për Tiranën: Çfarë më lidh me Shqipërinë dhe pse pikturoj histori periferike

Christos Daglas ishte vetëm 12 vjeç, kur i magjepsur nga arti i rrugës, kërkonte që në cepat e Athinës ku lindi, të linte mesazhin e tij. Kalimtarët, pikasnin të bojatisur, firmën e “Same84”...

 “Si të gjithë artistët edhe unë nisa artin e rrugës, duke pikturuar muret në mënyrë të paligjshme. Mendova të përdor një emër grek, që në atë kohë e kishin mjaft artist të tjerë e nuk binte në sy, ndërsa për t’u identifikuar vendosa datëlindjen time, ’84”, thotë Christos.

Ekzotike për të mbeten historitë e periferisë, që i vendos në qendër të muraleve të tij...

“Kjo ka qenë sfida ime. Si një djalë i rritur në një kryeqytet të madh, kam dashur të di ç’ndodh përtej Athinës, por jo përmes librave. Duke i njohur fshatrat, qytezat, ishujt vetë nga afër. Duke i dëgjuar njerëzit tek rrëfejnë historitë e tyre”, shton artisti.

Dy dekada e gjysmë më pas, djaloshi që insistonte, që artin e muraleve, ta mësonte jo në shkollë, por në rrugë, duket se e ka ndërtuar udhën e tij. I njohur jo vetëm në Greqi, ku ka edhe një emision të tijin, kjo javë e gjen në Shqipëri. Në Muzeun Historik çel ekspozitën “Ne jemi heronjtë tanë” , të kuruar nga artisti Helidon Haliti në kuadër të Kryeqytetit Rinor Evropian.

“Nuk ka ndodhur ndonjëherë, është ekspozita e tij e parë që bën jo vetëm në Shqipëri, por edhe në përgjithësi. Artistët e rrugës në përgjithësi kanë jetuar me një filozofi tjetër, në ‘background’, ata nuk donin të dilnin asnjëherë në sipërfaqe, ndërkohë që tani situata ndryshon. Dhe unë e them se ka një lloj martese ku bashkohet edhe gjendja fizike ajo shpirtërore dhe sigurisht që ai ndjehet më i gatshëm sepse është mendim krejt ndryshe, arti publik i galerive me artin publik monumental  që është një gjë krej tjetër..

15 veprat e ekspozuara e gjejnë frymëzimin tek rruga e natyrisht edhe në Tiranë. Në muze, ai sjell përmes telajos e në një teknikë të përzierë plastikën e betonit. Ndërsa, pas 5 veprave murale, 3 prej të cilave në Belsh e Patos, Tiranës do t’i shtohet një tjetër punë e tij, e realizuar në një plastmasë pikërisht në Muze.

"Ai ka ekzekutuar dhe ka bërë një vepër të rrallë të dimensionit 10 m me 3 m në Muzeun Kombëtar, ku do t’ia dhurojë Bashkisë së Tiranës, dhe kjo është shumë interesante."

Ndonëse arti i rrugës, dekadën e fundit ka shënuar historinë e saj në Shqipëri, thotë se në krahasim me Greqinë, hapësirat janë më të shumta.

"Mendoj se muret e mbi të gjitha arti lidhin në këtë rast Greqinë prej nga vij, me Shqipërinë. Edhe pse kultura e dy vendeve tona ka edhe shumë elementë të tjerë të përbashkët."

Do të kthehet sërish në Shqipëri. Dropulli e Saranda do të jenë destinacionet e radhës, ku do të ndërtojë muralet e tij. Edhe pse, siç thotë, për të, e gjithë bota është një vendi i vetëm, ku të gjitha rrugët e çojnë tek muralet...

"Unë në fakt kam një koncept kozmopolit. Nuk i shikoj kufijtë, në formën e një vije që ndan njerëz. Por preferoj të hyj në qytete e periferi, të njoh njerëz, rrëfenjat e tyre e të realizoj artin tim të rrugës. E kështu sigurisht, që do të vij, madje edhe më shpesh në Shqipëri...."

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet