TIRANË- Ndëshkimet e paralajmëruara ditën e djeshme nga qeveria për këmbësorët, kanë dhënë efektet e para. Pas orës 10:00, rrugët e qyteteve kanë ofruar një panoramë krejtësisht ndryshe nga dje, por nuk kanë munguar "të pabindurit", e për rrjedhojë as gjobat e ndëshkimet. Brenda katër orëve janë gjobitur 165 kalimtarë. Në Vlorë janë bllokuar 17 makina, e ndërsa në Gjirokastër janë sekuestruar 2 biçikleta, ndërsa Shkodra ka thyer komplet masat e sigurisë, teksa qytetarët lëviznin lirisht të pashqetësuar nga virusi vdekjeprurës COVID-19, duke formuar turma si në ditë festash. Qyteti veri-perëndimor është kthyer në problematik, teksa edhe sot sikurse ditët e tjera janë parë të moshuar në parqe, grupe-grupe dhe pas afatit të caktuar.
Po ashtu, edhe në Vlorë janë evidentuar grupime qytetarësh të cilët kanë nuk kanë respektuar kriterin e largësisë, tepër i këshillueshëm për të ruajtur veten nga pandemia, duke bërë që policia të marrë masa duke ndërhyrë për t'i shpërndarë në shtëpi. E njëjta situatë ka ndodhur edhe në Fushë- Krujë dhe Kukës, ku nuk janë ndalur xhirot, madje edhe krah njëri-tjetrit, duke shkelur njëherazi dy urdhrat e Ministrisë së Shëndetësisë, atë të ndalim qarkullimit pas orës 10:00 dhe në grupe.
Ndryshe është paraqitur situat bë disa qytete të tjera të vendit. Sheshet e bulevardet kanë qenë bosh pas orarit të vënë nga qeveria në qytete si: Tirana, Durrësi, Berati, Korça, Laçi, dhe Lushnja.
Nga sot, këmbësorët kanë mundësi që të dalin vetëm 6 orë në ditë, 4 orë gjatë paradites, më konkretisht nga 06:00 e mëngjesit deri në 10:00 dhe dy orë pasdite nga ora 16:00 deri në 18:00. Një vendim i tillë u firmos nga kryeministri Edi Rama, nisur nga ndërgjegjësimi i ulët i qytetarëve, siç Report Tv raportoi gjatë ditës së djeshme. Por ajo që duhet theksohet se çdo kush që do të duhet të lëvizë në këto fasha orari duhet të jetë i vetëm, jo me persona të tjerë në krah, me qëllim për të shmangur grumbullimet e mëdha të njerëzve që bëhen shkak për përhapjen e koronavirusit.
Kush shkel këtë urdhër, do të gjobitet me 10 mijë lekë dhe nuk do të marrin asnjë ndihmë nga shteti nga paketa e solidaritetit. Që do të thotë nëse një qytetar që del nga shtëpia jashtë këtyre orare, jo vetëm do të gjobitet , por për shembull nëse rezulton të jetë punëtor që duhej të qëndronte në shtëpi për shkak të mbylljes së një biznesi ku ai mund të punonte, nuk do të marrë pagën, që do të shlyhet në sajë të një plani financiar të qeverisë për të mbështetur biznesin nga buxheti i shtetit. Edhe bankat do të qëndrojnë hapur në këto dy fasha orari, që përkon me kohën kur lejohet edhe qarkullimi i këmbësorëve.
Policia e Shkodrës ka vijuar edhe ditën e sotme me kontrollin e personave të vetëkarantinuar dhe qytetarëve që kanë shkelur urdhrat e Ministrisë së Shëndetësisë për ndalim qarkullimi, lëvizjet në grup apo edhe personave që kanë ardhur nga jashtë dhe duhet të jenë në vetëkarantinë.
Policia ka kryer 255 rikontrolle të personave që janë të vetëkarantinuar për 14 dite, nga të cilët 54 janë konstatuar fizikisht, ndërsa 210 nëpërmjet telefonit. Janë mbajtur disa akte konstatimi ndaj shtetasve që kanë shkelur aktet normative dhe urdhrat e Ministrisë së Shëndetësisë, të cilët do kalojnë në komisionet përkatëse për sanksionim.
Policia thekson se lëvizja e qytetarëve është ulur ndjeshëm këto ditë, ndërsa situata vijon e qetë.
Në lidhje me verifikimin e rasteve të familjeve në nevojë me pako ushqimore, asistencën telefonike të pensionisteve për marrjen e pensionit si dhe është kërkuar përjashtimi nga detyrimet vendore dhe kamatëvonesat.
Edhe qytetarët e Beratit pas mbarimit të afatit për të lëvizur në orën 18:00 janë futur të gjithë në shtëpi.
Qytetarët e Elbasanit pas kanë respektuar 120 minutat për të dalë për të marrë ajër dhe më pas në orën 18:00 janë futur në shtëpi duke respektuar urdhrin për vetëkarantinim.
Tirana është mes qyteteve që e kanë respektuar deri diku urdhrin e dhënë nga qeveria përsa i përket lëvizjes së personave në oraret e përcaktuara, si dhe duke evituar qarkullimin në grup. Qytetarët kanë dalë nga shtëpia në orën 16:00, kanë vijuar të qëndrojnë jashtë për 2 orë, ndërsa ora 18:00 i gjeti të gjithë brenda.
Mirëpo, ajo çka lë për të dëshiruar tek kryeqytetasit është arsyeja e lëvizjes së tyre. Nëse shohim me kujdes videon e mësipërme, pavarësisht se lëvizin të vetëm duke ruajtur distancën, ndërmjet qytetarëve të ndërgjegjshëm ka edhe nga ata që “lejekalimin” për dy orët e pasditës të dhënë nga qeveria e kanë shfrytëzuar për lëvizje të kota, pa ndonjë objektiv të caktuar, por thjesht për të bërë një xhiro me biçiklet nga sheshi “Nënë Tereza”, për të shijuar rrezet e diellit, shëtitur kafshët nga liqeni apo edhe aktivitet fizik (vrap, ecje te lirë).
Ndërkaq, të shumtë janë edhe qytetarët të cilët kanë vendosur që në dy orarshin e pasdites, të dalin për të bërë blerje të caktuara për përmbushjen e nevojave të tyre, apo punë të tjera të rëndësishme. (Shfletoni për më tepër foto-galerinë e më poshtme).
Edhe fierakët nuk e kanë kuptuar ashtu siç duhet orarin e përcaktuar për lëvizjen e lirë të këmbësoreve. Sapo ora ka shënuar 16:00 në rrugë kanë vërshuar qytetarë e makina, duke “shpëtuar” nga karantina e vendosur, por me shkelje të rregullave.
Qytetarët kanë shëtitur në bulevardin kryesor dhe jo vetëm, ndërsa nuk kanë munguar as xhirot me biçikleta. Për vendosje maskash as që nuk bëhet fjalë, duke neglizhuar në këtë mënyrë rëndësinë e situatës së emergjencës shëndetësore dhe shijuar një pasdite normale pranvere.
Moskokëçarës dhe të pashqetësuar, duke u sjellë njëlloj sikur virusi vdekjeprurës COVID-19 të mos ekzistonte për ato dy orë, shkodranët vendosën të thyejnë rregullat e qeverisë, teksa kanë shfrytëzuar orarin 16:00-18:00 pasdite për të dalë nga shtëpia për shëtitje tek pedonalja dhe ura e Bunës.
Sikurse shihet edhe në videot e mësipërme, situata në Shkodër është sikur nuk ka ndodhur asgjë... Grumbuj njerëzish që lëvizin të gjithë bashkë në turmë njëlloj si në ditë festash, të mërzitur nga të qëndruarit brenda, mesa duket i kanë marrë masat e reja shtrënguese të qeverisë për parandalimin e përhapjes së koronavirusit si një sfidë me vete.
13 lokale që hapën dyert e biznesit duke thyer urdhrin janë gjobitur. Policia njofton se gjatë kontrolleve u konstatuan dhe u ndëshkuan me masë administrative gjobë me nga 100 mijë lekë secili, 13 administratorë lokalesh, konkretisht: 6 në qarkun Tiranë , 3 në qarkun Durrës, 2 në qarkun Shkodër, 1 në qarkun Lezhë dhe 1 në qarkun Fier.
Po dje, sipas policisë në Shkodër, gjatë kontrolleve për respektimin e vetëkarantinimit është konstatuar një shqiptar nga Kosova me inicialet E. D. i kthyer nga Kosova më datë 17.03.2020, i cili kishte dalë nga banesa dhe është ndëshkuar me masë administrative 700.000 lekë.
Policia e shtetit deklaron se vijojnë kontrollet dhe monitorimet pa ndërprerë, me qëllim zbatimin e masave në funksion të parandalimit të COVID-19.
Në të gjithë vendin, gjatë 24 orëve të fundit janë evidentuar 78 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit sikur e parashikon Akti Normativ për 3 vite, si dhe janë bllokuar. Po gjatë 24 orëve të fundit, sipas policisë janë arrestuar në flagrancë 4 drejtues mjetesh, për drejtim mjeti në gjendje të dehur dhe në kundërshtim me urdhrin për ndalim qarkullimi, konkretisht: 1 në Dibër, 1 në Tiranë, 1 në Shkodër dhe 1 në Korçë.
Në Tiranë, pas orës 10:00 ka qenë qetësi. Qytetarët që kanë dalë nga shtëpia pas kësaj orë numërohen me gishtat e dorës, dhe ato janë gjobitur me 10 mijë lekë për shkelje të rregullave. Në pamjet e sjella me dron duket qartë se frika ndaj ndëshkimeve, ka frikësuar qytetarët e Tiranës që janë mbyllur në shtëpi.
Brenda katër orëve janë gjobitur 165 kalimtarë të pabindur që nuk kanë respektuar urdhrin që ndalon qarkullimin pas orës 10:00.
"Respektimi i masave kufizuese, në të mirë të vetes dhe të njerëzve përreth. Në zbatim të masave kufizuese për parandalimin e përhapjes së COVID-19, në të gjithë territorin e vendit, shërbimet e Policisë së Shtetit kanë ushtruar dhe vijojnë të ushtrojnë kontrolle për zbatimin e një prej masave kufizuese, asaj të kufizimit të daljes vetëm në fashat orare 06:00 – 10:00 dhe 16:00 –18:00, për të gjithë qytetarët.
Në të gjithë vendin, prej orës 10:00 deri në këto momente janë ndëshkuar me masë administrative me vlerën 10.000 lekë secila, 165 shtetas, të cilët nuk kanë respektuar oraret kufizuese. Policia e Shtetit apelon për të gjithë qytetarët që secili të kontribuojë për të parandaluar përhapjen e COVID-19, duke respektuar me rigorozitet masat kufizuese të ndërmarra për këtë qëllim", njofton Policia e Shtetit.
Në Fushë- Krujë dhe Kukës nuk janë ndalur xhiro, madje edhe krah njëri-tjetrit, duke shkelur njëherazi dy urdhra, atë të ndalim qarkullimit pas orës 10:00 dhe në grupe.
Korçarët kanë qenë dhe vijojnë të mbetet qyteti shembull, të cilët janë ndërgjegjësuar dhe kanë respektuar të gjitha rregullat e vendosura nga qeveria për parandalimin e përhapjes së koronavirusit. Në rrugë, pas orës 10:00 ishin shumë pak qytetarë, numëroheshin me gishtat e dorës, por siç raporton gazetarja Gladiola Hoxha, ato nxitonin për të shkruar në shtëpitë e tyre. E njëjta panoramë është raportuar edhe në Lushnje dhe Laçit, ku rrugët kanë qenë të boshatisura.
Dita e sotme ka qenë me e qetë se dje, megjithatë nuk kanë munguar qytetarët e pabindur të cilët kanë shkelur urdhrin për të mos dalë në rrugë pas orës 10:00 të mëngjesit dhe 18:00 të pasditës.
Më konkretisht në qytetin e Fierit janë shoqëruar 6 shoqëruar në Komisariat, e ndërsa 10 të tjerë janë gjobitur me 10 mijë lekë gjobë pasi vijonin të qëndronin në jashtë edhe pas orës 10:00.
Në Vlorë, 6 këmbësorë janë gjobitur, ndërsa u janë bllokuar automjetet e 17 shoferëve, pasi lëviznin në qytet pa një autorizim. 3 të tjerë janë proceduar penalisht pasi kanë drejtuar makinën pa patentë.
Të pabindur ka pasur edhe në qytetin e Elbasanit, më konkretisht 8 këmbësorë.
Përjashtim nuk bën as Gjirokastra, ndonëse sot ka pasur shumë pak lëvizje se ditët e tjera. Në qytetin e gurtë brenda dy orësh janë hequr 3 patenta si dhe u janë sekuestruar dy qytetarëve biçikletat që lëviznin në rrugë pas afatit të caktuar.
Me urdhrin e bërë publik ditën e djeshme nga kryeministrit Edi Rama, kush lëviz në rrugë jashtë afatit të përcaktuar, do të gjobitet me 10 mijë lekë dhe përjashtim nga paketa financiare.
Një qytetar ka thyer rregullat duke qëndruar pas orës 10:00 jashtë shtëpisë, ndonëse kjo gjë tashmë është e ndaluar. Ai ka hapur muzikë me zë të lartë dhe ka nisur të kërcejë i vetëm muzikë latine. Ai është pikasur nga një polic i policisë Bashkiake, i cili i ka shkuar aty pranë, nga pas dhe i ka kërkuar që të shkojë në shtëpi. Qytetari është treguar shumë i bindur dhe ka mbledhur magnetofonin dhe rrobat dhe është larguar.
Berati është bindur urdhrit të firmosur ditën e djeshme, për të mos dalë nga shtëpia pas orës 10:00. Siç shihet në këto pamje në qytet nuk ka asnjë njeri jashtë.
Në Vlorë, është dashur ndërhyrja e policisë për të shpërndarë njerëzit të cilët po thyejnë njëkohësisht dy urdhra, qëndrimin në grupe dhe pas orës 10:00. Të "pabindur" janë treguar sërish të moshuarit, që kanë vijuar të qëndrojnë në lulishte. Ato janë këshilluar që të shkojnë në shtëpi, në të kundërtën do të ndëshkohen.E njëjta panoramë është përsëritur edhe në Shkodër, qytet ky që nuk është ndërgjegjësuar aspak dhe ka shkelur çdo masë të vendosur nga qeveria, duke u bërë rrezik për përhapjen e koronavirusit.
Në Durrës, qytetarët kanë respektuar rregullin e vendosur dje! Pas orës 10:00 nuk ka lëvizje të njerëzve apo xhiro në bregdet, siç u raportua një ditë më parë.
Ora 10:00 ishte afati i fundit ku qytetarët mund të lëviznin në këmbë, që përkon edhe me oraret kur duhet të shkojnë në punë. Frika nga gjoba apo ndëshkimet e parashikuara me aktin normativ për koronavirusin, ka mbyllur qytetarët e Tiranës në shtëpi. Në Bulevardin e Ri, i cili ka qenë zona më problematike përgjatë këtyre ditëve, nuk ka pasur asnjë lëvizje.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
Djepi qytetaris i kan pas thon Shkodres madhnume. Ja ku e tregun qe malokllikun
PërgjigjuKur do shteti të kërren binanë, bravo!
PërgjigjuMerruani makinat ketyre morrave fshatarve te Vlores qe kane shitur nga nje thes ashash dhe kapardisen rrugve te Vlores per tu bere me dashnore
PërgjigjuDroge prostitucion janë skafistet vlonjate, vlonjetet injorantë qytetare janë fundurrinat, jo ne fshataret.
Ne Shkoder nuk ka pas asnjeher as shtet as polici.Kjo qeveri eshte qeveri e jugut.Mjafton te shikosh mjerimin ne te cilin e ka len Shkodren pa asnje investim duke i lenbfajin Voltanes te cilen vet Rama e la kryetare dhe sot.Gjith nje mut jan
PërgjigjuTi do te jesh djali i Ali Spahisë!!
Qifi me ate gjuhe ti dukedh njeri i liget nga te gjitha anet njerezore po duket qarte qe me funderrinat e gjuhes tende te qelbur nuk arrit asgje burri qe eshte burre po pati ndnonje gje e sqaron balle per balle jo si nje mijuk pas perdeve te internetit ndyresire ,nuk paragjykohen bashkeatdhetaret e vendit tend nga ana krahinore
PërgjigjuPo normale se njerezit me ordinera te pa pergjegjshem dhe injorante jane nga kruja dhe kukesi. Maloke pa oke
PërgjigjuNuk ka me injorantë se fshataret e malesise së thelle të Vlores! Maloket vlonjate janë me injorantet
Qelbesira vlonjate qe do na infektojne dhe pastaj e kemi fajin ne fshatarete, yyyt zagare
PërgjigjuDo ta ken nxirre jeten Vlonjatet vella! Shume inat i ke... R... n. P...
Kur te filloi urija eni do shikoni ju polic dhe gazetar se kush fshihesh mas korones,per politikantet sdo ket probleme se do jene naper vende te sigurta me magazina ushqimesh. Zot gezo zemrat dhe shpirtrat e mire te kesaj bote duke shfaros gjithe kto ndyrsira qe po krijojne diktatura,gigji te gjall o zot,te lutem
PërgjigjuRri ebplak se do hame me luge floriri si ne kohen e xhaxhit. Keshtu bjen demokracite, duke i mesuar njerrzit pak nga pak me kufizime dhe duke i krijuar nje armik.Dje ishte amerika imperialiste sot quhet koronavirus
sot ne oraret qe kishte lene te lira i gjati vershonin njerzit neper dyqane madje duke u vra me njeri tjetrin. kjo eshte absurde. duhet ti ndali keto idiotsi. seicili duhet te ndergjegjsohet vete per mos me leviz, sja u imponon dot ky. edhe enver hoxha sja u ndaloi dot
PërgjigjuNa e tregoni dot cilin urdher ka firmosur kryeministri?
PërgjigjuO rema o injorant po esht kohe pandemie normal qe ti heq te drejtat. Jo po dil e injfekto gjith dynjan fshatar
E ka firmos Ministrja e shëndetsisë jo KM, bazuar ne nje ligj te 2006 per parandalimin e infeksioneve. Keta heqin te drjta kushtetuese me urdher ministri.Ajde shtet ajde
Vendimi me absurd qe e perkeqeson situaten.masat duhen po kjo ishte gabim.sapo u ktheva nga nje market dhe kishte mbipopullim dhe rradhe te gjate.njerezir afer njeri tjetrit pa pike distance.na rrofte qe po rrime ne izolim dhe po e marrim te keqen kur shkojme te blejme gjerat jetike.
PërgjigjuNxirreni urdherin e ministrit te Shendetesise vemje. Lereni statuset ne fb. Nuk ka asnje urdher.
PërgjigjuE ke ne fletore zyrtare, di ta perdoresh internetin?
provoje ene dil mundsisht me thuj vendodhjen ene do e shofim do e moresh gjoben a jo!
per sa kohe jam i lire, i padenuar me nje vendim te formes se prere. per sa kohe seshte shpallur gjendja jashtzakonshme leviz e shkoj ku tme doje kari
PërgjigjuOr mik nderro mendje. Ne ketu ne Itali pinim birra corona dhe talleshim me coronavirusin. Gjera ty ndryshuan shpejt. Me kaluan poshte dritares kamionet me arkivolet. Mbylluni ne shtepi se do i lini femijet tuaj pa gjysher. Sirenat e ambulances ne lagje jane te tmerrshme. Ke do marin? Do e kem takuar ndo1 here? Or mik mendojme neser per lirine dhe te drejtat. Mos degjoni çfare thote Rama motërgrisuri. Me orar?!!! Mos dilni fare nga shtepia. Blini gjerat nje here ne jave. Ne Shqiperi ska karantine. Ka tallava
Po neper markete e dyqane te mbipopulluara, callcentera e fasoneri nuk infektohemi?Apo vetem po na pa virusi ne rruge na infekton!
Nuk shkon ku te duash o don bytha, sepse infekton tjeret. nqs nuk je i infektuar infektohesh vete. a more vesh o katunar