POP 5

Lajmet më të lexuara të 5 minutave të fundit

Kultura

Nga viti 1960 në ditët e sotme, ekspozohen për herë të parë 100 vepra të Bujar Zajmit, e bija: Është një artist ende i pazbuluar

Në Galerinë e Arteve në Tiranë ekspozohen për herë të parë 100 vepra të piktorit grafist Bujar Zajmi. E bija, artistja Anila Zajmi e cili i kuron punimet, rrëfen ekspozitën, veprën e fshehtë të të atit si dhe shqetësimin e tij mbi artin.

“Bzan me diellin” në 100 vepra të ekspozuara për herë të parë. Bujar Zajmi rikthehet në kuadër të datëlindjes së 83-të në Galerinë e Tiranës, e thërret pa zhurmë publikun drejt artit të tij, të shënuara nga drita.... E bija, Anila Zajmi kuron ekspozitën, me veprat që piktori i zgjedh vetë dhe krijohet narrativa e një krijimtarie që shtrihet në mbi 6 dekada... duke nisur prej fundit të viteve ’50. Nga ajo kohë, siç rrëfen artistja veprat që ai i mbajti të fshehta, janë të shumta e arrijnë në mbi 7000 mijë punime...

“Veprat e babit kanë qenë të fshehura, sepse kishte një drejtim krejt të kundërt me regjimin, ideologjinë e atëhershme. Kështu që babi me koshiencë ka bërë punë të vogla të cilat ishin të mundura të fshiheshin në dosje, që të mos i shikonin të tjerët”, thotë artistja Anila Zajmi.

Grafika, kolazhe, piktura në vaj e akrilik, teknikat e përdorura nga piktori janë të larmishme, e në to spikat stili avangard që e karakterizon... Një sërë tematikash, ku ngrënë krye detaje të etnografisë, portrete e personazhe, largimi nga esenca e jetës prej tërheqjes së teknologjisë, ironia për njerëzit e pushtetit me kularë, e shqetësimi i tij mbi artin... ku lëndën e parë e merr në Shqipërinë e tij.

“Megjithëse unë këtu jam përpjekur të mos zgjedh vepra që janë shumë të lidhura me natyrën, këndvështrimin e tij patriotik, përsa i përket jetës shqiptare, historisë etj., sërish ajo del në pah, sepse ai e ka në ADN këtë pjesë dhe ajo del në forma të ndryshme. Por, kryesorja është se ai i këndon jetës, njeriut e optimizmit”, shton Zajmi.

Vepra e Bujar Zajmit siç rrëfen e bija, ruhet në shtëpinë studio të tij, në një habitat material e shpirtëror të mbushur me art e sende familjare...

“Pra, është një artist, piktor grafist akoma i pazbuluar të cilin duhet punë edhe kohë të ekspozohet ashtu si e meriton”, thotë artistja.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24