POP 5

Lajmet më të lexuara të 5 minutave të fundit

Sport

Ngërçi me delegatët e Tiranës, Prodani pas asamblesë së jashtëzakonshme: FSHF ti lejë interesat zgjedhore, të mendojë për futbollin

Shoqata e futbollit të Tiranës ka zhvilluar një asamble të jashtëzakonshme duke zgjedhur 6 delegatët me të drejtë vote për asamblenë e 15 marsit të federatës. Mirëpo kjo pritet të shkaktojë përplasje me FSHF-në, por sipas kryetarit të shoqatës Eduard Prodani federata duhet të lërë menjëanë interesat personale dhe të vendosë në interes të futbollit.

Eduard Prodani, kryetari i shoqatës rajonale të futbollit Tiranë, tashmë i njohur edhe nga federata, ka organizuar të mërkurën një asamble të jashtëzakonshme, duke zgjedhur 6 delegatë me të drejtë vote për zgjedhjet e FSHF-së më 15 mars. Nga 41 anëtarë që ka gjithsej shoqata, në asamble ishin 21, duke plotësuar kourimin e nevojshëm.

“Me ndërhyrjen e organeve të drejtësisë dhe të gjitha çështjete e tjera që u ngritën në procesin zgjedhor të federatës rezultoi se shoqata e futbollit Tiranë mbeti e papërfaqësuar. Kjo është e papranueshme sepse shoqata e Tiranës përfaqëson futbollin e bazës në Shqipëri dhe do ishte vërtet fatkeqësi nëse Tirana nuk do kishte zërin e saj,”-u shpreh Eduard Prodani, kryetar i shoqatës së futbollit Tiranë.

Pasi gjykata u shpreh për kryetarin e shoqatës së Tiranës, duke cilësuar si të manipuluar asamblene e 24 janarit të organizuar nga FSHF dhe duke legjitimuar atë të thirrur nga Erion Veliaj, nuk ishte e qartë se kush do ishin delegatët. Për këtë pritet të ketë një përplasje, pasi në asamblenë e 2 marsit FSHF pranoi delegatët e 24 janarit ku Alimehmeti u zgjodh kryetar dhe gjykata i shpalli të manipuluara.

“Natyrisht këto prorpozime do ia përcjellim menjëherë federatës shqiptare të futbollit dhe shpresojmë shumë që ata të vendosin me pjekuri dhe me një këndvështrim për interesin e përgjithshëm të futbollit dhe jo interesat e ngushta zgjedhore,”-deklaroi Eduard Prodani, kryetar i shoqatës së futbollit Tiranë.

6 delegatët e zgjedhur në asambenë e jashtëzakonshme të shoqatës së Tiranës janë Ergys Kadiu, Adi Balla, Adriatik Delimurati, Xhek Alushi, Alban Miftari dhe Endrit Agushi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça